Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 11

Ivona Vakatara ngo Pamusoro pa Jesu

Ivona Vakatara ngo Pamusoro pa Jesu

Uri kuvona vanarume pa pikica apa here?— Ava ndi Mateu, Marko, Ruka, Johani, Pedhuru, Jakobo, pomwe na Pauro. Ivona vakararama mu nguva yondhoyo na Jesu, zve ivona vakatara ngo pamusoro pake. Ngatende tijije zvizinji ngo pamusoro pavo.

Ngo zvapi zvaunoziva ngo pamusoro po vanarume ava?

Vatatu vavo vainga vapostori vakacumaera na Jesu. Unovaziva ngo vapi vatatu vakona?— Mateu, Johani na Pedhuru. Mupostori Mateu na Johani vainasa kuziva Jesu zve umwe nga umwe wavo wakatara ngo pamusoro  po upenyu hwa Jesu. Mupostori Johani wakataravo bhuku rinodanijwa Apokalipse [Cakapangijihwa] pomwe no karata ndhatu jinodanijwa Yokutanga ya Johani, Yocipiri ya Johani zve Yocitatu ya Johani. Mupostori Pedhuru wakatara karata mbiri jiri mu Bhaibheri. Ijona jinodanijwa Yokutanga ya Pedhuru zve Yocipiri ya Pedhuru. Mu karata yocipiri, Pedhuru wakatara ngo pamusoro po mukuvo Jehovha waakavereketa kubvira mu gore ecinangira Jesu kuti: ‘Uwu i mwana wangu. Ndinomuda, zve ndinojikuja ndiena.’

Vanarume vamweni vari pa pikica vanotijijisa ngo pamusoro pa Jesu mu mabhuku ovakatara. Umwe wavo ndi Marko. Zvinoita inga kuti iyena waingepovo apo Jesu wakabatwa zve wakavona zvese zvakaitika. Umweni ndi Ruka. Iyena wainga dhokodhea murapi zve zvinoita inga kuti wakazova muKristu pasure po kufa ka Jesu.

Vatari vaviri vamweni vo Bhaibheri vauri kuvonari pa pikica vainga vanukuna vaviri va Jesu. Unomaziva mazina avo?— mazina avo ainga Jakobe na Judha. Pa kutanga, ivona avacaitendepi Jesu. Ivona vaitorangarira kuti Jesu wainga oopenga. Asi pakufamba ko nguva vakazomutenda zve vakazoguma pa kuva maKristu.

Mutari wokupejisira wo Bhaibheri wauri kuvonari pa pikica apa ndi Pauro. Acito ava muKristu, zina rake wainga Sauro. Iyena waizonda maKristu zve waishata maningi mwoyo kwavari. Unozviziva kuti cicinyi cakaita kuti Pauro ade kuva muKristu?— Njiku imweni, Pauro wainga ari mucitaka eciita hwendo paakazwa ngo cibvumbu ari wese ecivereketa naiyena kubva mugore. Uwo wainga Jesu! Iyena wakabvunjisa Pauro kuti: ‘Ngenyi iwewe uno ushungu no vayani vanonditenda?’ Pasure pazvo, Pauro wakacinja wova muKristu. Pauro wakatara 14 o mabhuku, kubvira pa VaRoma mbhera VaHebheru.

Iwewe watanga kuverenga mabhuku o Bhaibheri ngo pamusoro pa Jesu kana kuti aripo watanga kukuverengera here?— Ciro cimwe cakanaka caungaita ngo cokutanga kujija ngo pamusoro pa Jesu. Ndizvona zvaunoda kuita here?—