Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIPAUKO 6

Mwana Wakagondeswa

Mwana Wakagondeswa

LUKA 2:21-39

  • JESU WOSOKWA PEREPO WOENDESWA KU THEMBERAI

Kunja ko kuhwirira ku Nazareta, Jasefa na Maria vogara ku Bheterehema. Jesu wo sokwa ano dhiya sere, inga zvaidiwa ngo mutemo wa Mwari wakapuwa va Iziraeri. (VaLevi 12:2, 3) Vainga vanocirovejeso co kudura zina mwana paanonga ano dhiya sere. Ngo kudaro, Jasefa na Maria vodura zina mwana wavo rinozwi Jesu, inga zvakanangwa ngo ngirozi Gabhirieri.

Popera mweji muviri, Jesu wari waano 40 o dhiya. Wari babake vanoenda nae kwapi? Vanoenda mu themberi ku Jerusarema, raiwanika pa mumango uno makirometru manganani kubva pavaigararo. Mutemo wainanga kuti mwana akandokwanisa 40 o dhiya jo kubahwa, make vanodikana kwenda koita mupiro wo kupsaka kuceneswa mu themberi.—VaLevi 12:4-7.

Ngo zvaakaita Maria. Maria wakapekeja zvishiri zviviri zvidoko, zvaivonesa kamare kuti Jasefa na Maria vainga vacina pfuma yakawanda. Mutemo wainanga kuti zvaidikana kupira bvuta rimwe no shiri imwe. Kudari make vacikazvikwanisi, magovora maviri kana kuti njiva mbiri jaikwana. Ndiwona wainga mugariro wa Maria, zve ndizvona zvaakapira.

Muthemberi, musharuka umweni wakakhwederera Jasefa na Maria. Zina rake ndi Simioni. Mwari wainga akamuvonesa kuti, acito afa iyena waizovona Kristu wainga akagondeswa ndi Jehovha, kana kuti Mesia. Ecitungamirihwa ngo mujimu mucena, Simioni woguma ku themberi, wokhanda Jasefa na Maria vano mwana wavo. Simioni womujura mwanewo.

Paanonga ana Jesu munyara jake, Simioni wobonga Mwari eciti: “Tenji! Meciregeranyi wari muranda wenyu apinde ngo kunyarara kudari ngo bzo makananga; ngokuti majiso angu avona ruponeso hwo makanasirira majinja ese: Ruveneko hunoveneka mabvumbo ese no goja ro vaIsraeli jinja renyu.”—Luka 2:29-32.

Jasefa na Maria vokahamara ngo kuzwa izvi. Simioni wovakomborera perepo wobvunja Maria kuti mwana wako “wabarihwa kuti aite kuwa no kumuka ko vazinji mu Israeli,” zve kusuruvara kwa Maria kwaizokura inga wapiningijwa ngo banga.—Luka 2:34.

Pakaviya umweni dhiya yondhoyi. Wainga Ana, muporofitakaji wo 84 o makore o kubahwa. Ana, aacairovhepi ku themberi. Pa nguva yondhoyo wakakhwedereravo Jasefa, Maria no cimwana mutete. Ana wotanga ngo kubonga Mwari wobhuya ngo pamusoro pa Jesu ku vandhu vese vaimuzwa.

Muri kukwanisa kuvona mudakaro wakava na Jasefa na Maria ngo zviitiko izvi here? Zvese izvi zvakapekeja cokwadi co kuti mwana wavo wainga wiyani wakagondeswa ndi Mwari.