Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIPAUKO 10

Mbhuri ya Jesu Yoenda Jerusarema

Mbhuri ya Jesu Yoenda Jerusarema

LUKA 2:40-52

  • JESU ANO MAKORE 12, ANOITA MUBVUNJO JINOSHAMAISA KU VAJIJISI

  • JESU ANODANIJA JEHOVHA KUTI “BABA WANGU”

Pagore ngo gore mu cirimo, mbhuri ya Jasefa inoenda ku Jerusarema pamwepo no ukama no shamwari. Vanoenda kuphasika, inga zvainanga mutemo. (Deuteronòmio 16:16) Kubva Nazareta mbhera ku Jerusarema pano mumango unokwana kuita 120 o makirometro. Vese vecidakajihwa zve vakabatikana ngo zviro zvo kunasirira. Jesu wari ano 12 o makore o kubahwa ecivetera no cidaka-daka cese mabiko pomwe no mukana wokuvazve mu themberi.

Kuna Jesu no mbhuri yake Phasika aicaingepi ciitiko co njiku imwe basi. Pasure po njiku imwe Phasika no yapera, otanga mabiko o “Rudakaro . . . hwo Mikate Icina Mbijo” aipeja njiku nomwe. (Marco 14:1) Mabiko aya anobatanijwa mu zviitiko zvo Phasika. Kwenda ku Jerusarema no kuvia pomwe no njiku jo mabiko zvaitora sumana mbiri. Asi pa hwendo huno vanononoka padoko ngo pamusoro po zvainga zvaitika na Jesu zvovakazofumbhura vari pakati po hwendo vecihwirira kubva Jerusarema.

Pavainga vecifamba, Jasefa na Maria vairangarira kuti Jesu wainga no ukama no shamwari javainga najo pa hwendo. Asi pavanoima kuti vazorore mbhera kuejehwa, ivona avazivi kuwana Jesu. Jasefa na Maria vakamupsaka mu vadoni vovaifambaro navo vese, asi aacaingepi navo. Apana kwavakamuwana. Ngo kudaro Jasefa na Maria vanohwirira Jerusarema koomupsaka.

Vakapeja dhiya yese vecimupsaka, asi avazivi kumuwana. Dhiya yocipiri avazivi kumuwanazve. Vakazomuwana pa dhiya yo citatu ari mu themberi. Vovona Jesu akagara pakati po vajijisi vo ciJudha. Iyena waivapurutana, ecivaita mubvunjo zve vecikahamara ngo uzivi hwaainga nahwo.

Maria wakabvunjisa kuti: “Mwana, watiitirenyi kudaro? Baba wako na inini tatambujika ngo kukupsanga.”—Luka 2:48.

Jesu wokahamara ngo kuti ivona avacaimuzivepi kuti ari kwapi. Iyena wakabvunjisa kuti: “Maindipsangirenyi? Amucaibzizivepi kuti ndinodikana kutaja bziro bza Baba wangu?”—Luka 2:49.

Jesu wohwiriravo ku Nazareta pamwepo na Jasefa na Maria anoenderera mberi ecivazwira. Ruzivo hwake hwoengejeka zve muviri wake wecikura. Jesu anodakarihwa ndi Mwari zve no vandhu. Kubvira aciri mwana mudoko Jesu waipekeja muezaniso wakanaka ngo pamusoro po kuzwira vabari no zviro zvokumujimu.