Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 DIVI 5

Pa Ndambi Huru—Ndiani Wakazwa? Ndiani Acikazivi Kuzwa?

Pa Ndambi Huru—Ndiani Wakazwa? Ndiani Acikazivi Kuzwa?

Vazinji mu njiku ja Noa vaiita zvakashata. Genesi 6:5

Adhamu na Evha vakava no vana, ngo kudaroko vandhu vakatanga kuwanda pa nyika. Pamukuvowo ngirozi jimweni jakabatana na Sathana mukupanduka.

Ijona jakaviya pasi pano zve jakatora muviri jo umundhu, ngo kudaro jaizokwanisa kurovora vanakaji. Vanakaji ava vakabara magakanyara, vana vainga no simba zve vakavanga.

Nyika yakazozara ngo vandhu vaiita zvakashata basi. Bhaibheri rinoti: “Kuxata ko vandhu kwakakura munyika, no njiku jese vairangarira mu mwoyo mavo kuita bzakaxata.”

 Noa wakazwira Mwari zve wakavaka ngarava. Genesi 6:13, 14, 18, 19, 22

Noa wainga mundhu wakarurama. Jehovha wakavhunja Noa kuti Iyena waizoparaja vandhu vakashata ngo ndambi huru.

Mwari wakavhunjazve Noa kuti avake ngarava huruwani, yaizwi arka, kuti anghwinisemo mbhuri yake no mushovo wese wo zvinyama.

Noa wakangwaja vandhu kuti kwaizovia Ndambi, asi ivona avazivi kuteya njeve. Vamweni vakaseka Noa; vamweni vakamunyenya.

Arka payainga yapera, Noa wakangwhinisa zvinyama.