Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIPAUKO 18

Rubhabhatijo zve Ushamwari Hwenyu na Mwari

Rubhabhatijo zve Ushamwari Hwenyu na Mwari
  • Rubhabhatijo hwo ciKristu hunoitiswa kudini?

  • Mudanyu japi jamunodikana kuita kuti muve munobhabhatijwa?

  • Mundhu angajipirisa kudini kuna Mwari?

  • Ithangwe rapi rinoitisa kuti mundhu abhabhatijwe?

1. Ngenyi mukuru-kuru wo mubanje ro kuEtiopia wakakumbira kubhabhatijwa?

“NGA iyi kumwa. Bzinyi bzingandirambisa kubapatizwa?” Mubvunjo uwu wakaithwa ngo mukuru-kuru wo mu banje ro ku Etiopia mu zana ro kutanga ro makore. MuKristu waidaninjwa Firipi wainga apera kumukhohwesa, kuti Jesu  wainga Mesia wakagondiswa. Naabaiwa mwoyo ngo zvaaijija mu Matahwa mwanarume wo muEtiopia waiita mukuzwirana no zvaaijija. Iyena wakavonesa kuti waida kubhabhatijwa!Maitiro o Vapostori 8:26-37.

2. Ngenyi munodikana kunasa kurangarira ngo pamusoro po rubhabhatijo?

2 Kudari makanasa kujija zvipauko zvaperari zvo bhuku rino no umwe wo Zvapupu zva Jehovha, kangaije mungazwavo makanasirika kubvunjisa kuti: ‘Cicinyi ciri kunditamisa kubhabhatijwa?’ Mbhera nyamasi imwimwi matojija ngo pamusoro po zvigondiso zvo Bhaibheri zvo upenyu ucikaperi mu Paradhiso. (Luka 23:43, NM; Apokalipsi 21:3, 4) Makajijavo ngo pamusoro po magariro okadi-kadi o vakafa no vetero yo rumuko. (Mucumaeri 9:5; Johani 5:28, 29) Cinosisira maningi ngo cokuti, makatotanga kutova no ushamwari na Jehovha Mwari.

3. (a) Jesu wakapa mupango wapi kuno vateveri vake? (b) Kubhabhatijwa mu kumwa kunoitiswa kudini?

3 Mungakhombijisa kudini kuti munoda kushandira Mwari? Jesu wakabvunja vateveri vake kuti: “Endanyi, jijisanyi vandhu vese no kuvabapatiza.” (Mateu 28:19) Jesu pacake wakagaja muezaniso ngo kuva anobhabhatijwa mu kumwa. Iyena aazivi kuita ngo kuzuzihwa kumwa, zve aazivi kudururihwa kumwa mu musoro wake. (Mateu 3:16) Gama rokuti “rubhabhatijo” rinobva mu gama ro ciGiriki rinonanga kuti “kubumija.” Kaveta rubhabhatijo hwo ciKristu hunoreva kunasa kubumijwa muviri wese kamare mu kumwa.

4. Kubhabhatijwa mu kumwa kunorevenyi?

4 Vese vanoda kuva no ushamwari na Jehovha Mwari vanodikana kubhabhatijwa mu kumwa. Rubhabhatijo hunokhombija pa mbhene cidisiso cedu co kushandira Mwari. Hunokhombija kuti munodakarira kuita kuda ka Jehovha. (Nduyo 40:8, 9) Kaveta, kuti muve munobhabhatijwa, munodikana kutora mudanyu jakatikuti.

 ZVINODIKANA KUVA NO ZIVO NO RUTENDO

5. (a) Ngowapi mudanyu wo kutanga unotikwanirisa kuti tibhabhatijwe? (b) Ngenyi musongano jo ungano jinosisira maningi?

5 Matopeja kuita mudanyu wo kutanga. Kuitisa kudini? Ngo kuva no zivo ya Jehovha na Jesu Kristu, kangaije ngo kuvawo no jijo yo bhaibheri yakarongeka. (Verenganyi Johani 17:3.) Asi kucinozvizinji zvamunodikana kujija. MaKristu anodikana kuva vanozajwa ngo ‘kuzivisisa kuda [ka Mwari].’ (VaKolosi 1:9) Kwenda ku musongano jo ungano jo Zvapupu zva Jehovha zvinobesera maningi kuti tizajwe ngo zivo iyi. Zvinosisira maningi kwenda kumusongano iji. (Vaheberi 10:24, 25) Kwenda nguva jese ku musongano, zvinozomubesera kuti muengejere zivo yenyu kuna Mwari.

Kuwana zivo yokadi yo Soko ra Mwari, mudanyo unosisira maningi kuti mukwanise kubhabhatijwa

6. Munodikana kuva no ruzivo hwakadini kuti mubhabhatijwe?

6 Zvokadi, amuvetehwi henyu kuziva zvese zviri mu Bhaibheri kuti mubhabhatijwe. Mukuru wo banje ro ku Etiopia wainga aano ruzivo hwakatikuti, asi iyena waida kubesehwa kuzwisisa mativi amweni o Matahwa. (Maitiro o Vapostori 8:30, 31) Mukufananavo, imwimwi muciri no zvizinji zvo kujija. Zvokadi, amuzomboregerizve kujija ngo pamusoro pa Mwari. (Mucumaeri 3:11) Kaveta mucito ma Bhabhatijwa, munodikana kuziva no kudavira jijiso huru jinosisira maningi jo Bhaibheri. (Vaheberi 5:12) Jijiso iji jinobatanija cokwadi ngo pamusoro po magariro o vakafa zve kusisira ko zina ra Mwari no Umambo hwake.

7. Zvicinyi zvinozoitika kwamuri mukajija Bhaibheri?

7 Kaveta, zivo basi aikwani, ngo kuti “pacina rutendo, apana anodakarisa Mwari.” (Vaheberi 11:6) Bhaibheri rinotibvunja kuti vandhu vo dhorobha ro kare ro Korinto, pavakazwa zvaicumaehwa ngo maKristu, ivona “vakatenda vobapatizwa.” (Maitiro o Vapostori 18:9) Mukufananavo, jijo yo Bhaibheri inozomuzaja ngo rutendo hwakafemehwa mu Soko ra Mwari. Jijo yo Bhaibheri inozomubesera kuti muve no rutendo mu zvigondiso zva Mwari no simba rinoponesa ro muripo wa Jesu.Joxwa 23:14; Maitiro o Vapostori 4:12; 2 Timoti 3:16, 17.

 KOVANANYI ZVOKADI YO BHAIBHERI NO VAMWENI

8. Cicinyi cinozomuitisa kuti mubvunje vamweni zvamakajija?

8 Rutendo pahunonga hwecikura mu mwoyo menyu, zvinozova zvecizomunesa kuti mutame kubvunja vamweni zvamakajija. (Jeremia 20:9) Munozozwa mecidisisa ngo simba kuti mubhuye no vamweni ngo pamusoro pa Mwari no zvigondiso zvake.—Verenganyi 2 VaKorinto 4:13.

Rutendo hunodikana kumuitisa kuti mubvunje vamweni zvamunotenda

9, 10. (a) Munodikana kutanga kucumaerera ani? (b) Kudari mecida kuenda ku basa ro kucumaera rakarongwa ro Zvapupu zva Jehovha, munodikana kuitenyi?

9 Makangwarira, munodikana kutanga kucumaera zvokadi yo Bhaibheri no vamweni ngo kubhuya ngo pamusoro payo no vo paukama hwenyu, shamwari, vocigarisano, no shawari jo kubasa. Pa kufamba ko nguva mungazoda kubhuya no vamweni mu ucapupu wakarongwa wo Zvapupu zva Jehovha. Pa fundo iri, ivanyi makasujunuka kuti muzvibvunje Capupu ciri kumujijisaro Bhaibheri. Kudari mukava mecikwanirisa kuti muendevo kumushando wo pambhene, pangatorongwa kuti imwimwi no mujijisi wenyu muvonane no vakuru vaviri vo ungano.

10 Izvi zvinozomuita kuti mukwanise kuzivana no vakuru vanganani vo ciKristu, vari kuhavisa mushambi wa Mwari. (Maitiro o Vapostori 20:28; 1 Pedru 5:2, 3) Vakuru ava, kudari vakavona kuti munozwisisa zve munodavira jijiso huru jo Bhaibheri, mecirarama mukuwirirana no zviambi zvo mu Bhaibheri, zve kudari mecida kamare kuva umwe wo Zvapupu zva Jehovha, vanozomuzivisa kuti munokwanirisa kuti muendevo kumushando wo pambhene inga mucumaeri acizivi kubhabhatijwa wo masoko akanaka.

11. Vamweni vanodikana kuita cinjo yenyi vacito vaenda kumushando wo pambhene?

11 Ivona vangavona kuti munodikana kucinja mararamire enyu no zvirovejeso kuitira kuti muve mushandi wo pambhene. Izvi zvinobatanija kukama zviito zvamainga nazvo pacivande. Ngo kudaro, mucito makumbira kuva  mucumaeri acizivi kubhabhatijwa, munodikana kutanga maregera zvishaishi zvikuru, zvakadari inga mufambiro wakashata wo vatano, udhakwa, no kushaisha kushandisa mutombo jinodhakwisa.—Verenganyi 1 VaKorinto 6:9, 10; VaGalàsia 5:19-21.

KUKHAUYA NO KUTENDEUKA

12. Ngenyi kukhauya kunodikana?

12 Panomudanyu jinodikana kuithwa mucito maenda koobhabhatijwa. Mupostori Pedhuru wakati: ‘Khauyanyi tenderukanyi, kuti zvishaishi zvenyu zvipfujuhwe.’ (Maitiro o Vapostori 3:19, NM) Kukhauya, zvinoreva kuzvivaza kana kuzvidemba ngo mwoyo wese ngo pamusoro po zviro zvamakaita. Zviri pambhene kuti kukhauya kunosisira maningi kudari mundhu akava no upenyu wo mufambiro wakashata, asi kunosisiravo kuna vayana vari kutoeja kurarama mu mufambiro wakanaka. Ngenyi? Ngo kuti vandhu vese, vashaishi zve vanoda kuregerehwa ndi Mwari. (VaRoma 3:23; 5:12) Mucito majija Bhaibheri, amucaizivepi kuti kuda ka Mwari ngo kwapi. Waro mungazoraramisa kudini mu kunasa kuzwirana no kuda kwake? Ngo kudaro, zvinodikana ku khauya.

13. Kutendeuka kudini?

13 Mukapera kukhauya, munodikana ku tendeuka. Kuzvivaza basi, azvikwani. Munodikana kuramba mararamire enyu o kare zve mosunga bhande kuti muite zvakanaka kubvira wari uno. Kukhauya no kutendeuka, mudanyu jamunodikana kuita mucito ma bhabhatijwa.

KUJIPIRA

14. Mudanyo wapi wamunodikana kuita mucito ma bhabhatijwa?

14 Kuno mudanyu umweni unodikana kuithwa mucito ma bhabhatijwa. Munodikana kujipira pacenyu kuna Jehovha Mwari.

Makajipira pacenyu kuna Mwari mu mukumbiro here?

15, 16. Kujipira kuna Mwari kunorevenyi, zve cicinyi cinoitisa kuti mundhu ajipire?

 15 Pamunojipira kuna Jehovha Mwari mu mukumbiro wo mwoyo wese, munonga mecigondesa kuti munozonamata iyena ega basi mbhera na rini. (Deuteronòmio 6:15) Asi ngenyi mundhu angadikana kuita zvondhozvo? Hina, ngatiti mwanarume wabvunjirira mwanakaji. Paanoziva zvizinji ngo pamusoro po mwanakaji uwu, zve ovona kuti ano undhu hwakanaka, cidaka-daka co mwanarume uwu kuno mwanakaji cinokuravo maningi. Waro zviri pambhene kuti, no kufamba ko nguva, anozokumbira kumurovora. Zvokadi, kurovorana kunoreva kujiengejera mutoro wo mundhu ega. Asi rudo hunozomuitisa kuti atore mudanyu uwu.

16 Pamunoguma pakuziva zve kuva no rudo na Jehovha, munozozwa mecida kumushandira ngo simba rese kana kudira mugano mukumunamata kwedu. Anoda kutevera Mwana wa Mwari, Jesu Kristu, “ngaajirambe.” (Marco 8:34) Tinojiramba pacedu ngo kutama kutendera kuti zvatinodakarira no zvidisiso zvedu, zvitipingaije kupurutana Mwari zvakakwana. Hino, kuita kuda ka Jehovha Mwari, kunodikana kuva cidisiso cenyu cikuru mu upenyu, mucito ma Bhaibhatijwa.—Verenganyi 1 Pedru 4:2.

KUNYISA KUTHYA KUZOSHAISHA

17. Ngenyi vamweni avakasiki kujipira kuna Mwari?

17 Vamweni avakasiki kujipira kuna Jehovha ngo kuti vanothya padoko kuita mudanyu mukuru uwu. Vanothya kuzojidavirira kuna Mwari inga muKristu wakajipira. Vecithyakutivanozoshaishira Jehovha,ivonavanorangarirakuti zvitori nane kutama kujipira kwaari.

18. Cicinyi cingamuitisakuti mujipire kuna Jehovha?

18 Inga zvamunojija kuda Jehovha, imwimwi munozondundihwa kuti mujipire kwaari no kuita zvamunokwanisa kuti murarame mukuwirirana naako. (Mucumaeri 5:4) Mapeja kujipira, zvokadi kamare munodikana ‘kuti mupone  ngo maponero anodakajira [Jehovha], mecimudakajisa ngo bzese.’ (VaKolosi 1:10) Ngo pamusoro po rudo hwenyu kuna Mwari, amuzorangariri kuti kuita kuda kwake kunonesa maningi. Pacina mu bvunjo, imwimwi munotenderana no mupostori Johani wakatara kuti: “Kudisa Mwari ndikona kuteveja mupango yake. Mupango yake airemi.”1 Johani 5:3.

19. Ngenyi mucikadikani kuthya kujipira kuna Mwari?

19 Amudikani henyu kuva wakaperera kuti mujijire kuna Mwari. Jehovha anoziva pamunogumira zve aazomboveterizve zvizinji zvamucikakwanisi kuita. (Nduyo 103:14) Iyena anoda kuti mubudirire zve anozomujivirira no kumubesera. (Verenganyi Isaia 41:10.) Ivanyi no cokwadi kuti, kudari mukathemba Jehovha no mwoyo wenyu wese, iyena  “anozorungamisa njira jenyu jese.”Mazwi Akangwara 3:5, 6.

KUKHOMBIJA KUJIPIRA KWENYU NGO KUBHABHATIJWA

20. Ngenyi kujipira kuna Jehovha akubviri kuramba kuri ko cifise-fise?

20 Kurangarijisisa ngo pamusoro po zvataperari kujija zvinozomubesera kuti mujipire pacenyu kuna Jehovha mu mukumbiro. Wese ano rudo kamare na Mwari, anodikanavo ‘kutokotesa kutenda, kuti huwanike ruponeso.’ (VaRoma 10:10) Mungazviitisa kudini?

Rubhabhatijo hunoreva kufa mu mararamire edu o kare zve tova tecirarama upenyu hwo kuita kuda ka Mwari

21, 22. Mungaitisa kudini ‘kutokotesa’ pambhene rutendo hwenyu?

 21 Zivisanyi murongi wo dare ro vakuru vo paungano yenyu kuti munoda kubhabhatijwa. Iyena anozopsaka vakuru vanganani kuti vahwirijire na imwimwi mubvunjo jo jijiso huru yo mu Bhaibheri. Kudari vakuru ava vakatenderana kuti munokwanirisa, ivona vanozomubvunja kuti munozobhabhatijo pa mukana unotevera. * Kazinji, kunoithwa hurukuro inohwirijira revo yo rubhabhatijwa pa ciitiko condhoco. Muiti wo hurukuro anozokoka vadongeri vese vo rubhabhatijo kuti vadavire mubvunjo muviri jakareruka inga njira yo ‘kutokotesa’ pambhene rutendo hwavo ngo muromo.

22 Rubhabhatijo ndihwona hunomukhombija pambhene kuti makajipira kuna Mwari zve wari muri umwe wo Zvapupu zva Jehovha. Vadongeri vo koobhabhatijwa vanobijwa mu kumwa kuti vakhombije kuti vakajipira kuna Jehovha.

KUBHABHATIJWA KWENYU KUNOREVENYI?

23. Zvinorevenyi kubhabhatijwa “mu zina ra Baba no ro Mwana no ro Mujimu Mucena”?

23 Jesu wakabvunja vajiji vake kuti vaidikana kubhabhatijwa “mu zina ra Baba no ro Mwana no ro Mujimu Mucena.” (Mateu 28:19) Izvi zvinoreva kuti mudongeri wo rubhabhatijo anodavira ukuru hwa Jehovha Mwari no hwa Jesu Kristu. (Nduyo 83:18; Mateu 28:18) Anozivavo kushanda kunoita mujimu mucena wa Mwari kana kuti simba rinobata basa.VaGalàsia 5:22, 23; 2 Pedru 1:21.

24, 25. (a) Rubhabhatijo hunovonesenyi? (b) Mubvunjo wapi unodikana kudavihwa?

24 Kaveta, kubhabhatijwa asipi kubhukuca hako basi. Citatijo co ciro cinosisira maningi. Kubijwa kwenda pasi po  kumwa kunovonesa kuti mafa mu mararamiro enyu okare. Kubudiswa mu kumwa kunotatija kuti wari maakurarama kuti muite kuda ka Mwari. Mucakanganwa kuti makajipira kuna Jehovha Mwari pacake, kuciripi ku basa, zvokuita, kuvandhu vamweni kana kusanganovo haro. Kujipira kwenyu no rubhabhatijo, mudanyo jokutanga kuva no ushamwari kamare na Mwari—ushamwari hwo phedo na phedo naye.Nduyo 25:14.

25 Rubhabhatijo asipi ruponeso. Mupostori Pauro wakatara kuti: “batiranyi ruponeso hwenyu, mecitetemera no kuthya.” (VaFilipi 2:12) Rubhabhatijo atori maambo. Mubvunjo nga uwu, Mungaitisa kudini kuti murambe muri murudo hwa Mwari? Cipauko cedu co kupejisira cinozotipekeja mupinguro wakona.