Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 MASOKO O KUENGEJERA

Jesu Kristu—Mesiya Wakagondeswa

Jesu Kristu—Mesiya Wakagondeswa

KUITIRA kutibesera kuziva Mesia, Jehovha Mwari wakafemera zviporofita zvizinji zvo mu Bhaibheri zvaipa masoko mazinji ngo pamusoro po kubahwa, mushando pomwe no kufa ko  Muponesi wake wainga wakapikihwa. Zviporofita zvese izvi zvakakwanirisika muna Jesu Kristu. Izvona zvinogunyiso rinoshamaisa zve zvakanasa kusananguhwa. Inga muezaniso, ngatende tivone zviporofita zvinganani zvakananga zviitiko ngo pamusoro po kubahwa no hwanaudoko hwa Mesiya.

Muporofita Isaia wainga akananga kuti Mesia waiva mubarihwana wa Mambo Dhavhidhi. (Isaia 9:6) Zvokadi Jesu wakabahwa mu mubarihwana wa Dhavhidhi.Mateu 1:1, 6-17.

 Mika, muporofita umweni wa Mwari, wainga wakananga kuti mwana uwu waizova mutongi waizobahwa mu “Betrehema wo Efrata.” (Mikeya 5:1) Mu nguva yakabahwa Jesu, ku Iziraeri kwainga no madhorobha maviri aidanijwa Bheterehema. Rimwe raiwanika ku Nazareta ku mutundhu wo ka njikazi ko Iziraeri, zve rimweni raiwanika phedo no Jerusarema mu Judha. Bheterehema raiwanika phedo no Jerusarema kareko raidaniwa Efarata. Jesu wakabahwa mu dhorobha rondhoro, mukuzwirana kamare no ciporofita cainga cakanangwa!Mateu 2:1.

Ciporofita co Bhaibheri cainga cakananga kuti Mwana wa Mwari waizodanijwa “kubva ku Ejipiti.” Inga mwana, Jesu wakatohwa kwenda ku Ejipita. Iyena wakahwirira pakupera kufa ka Herodhi, ngo kudaro ciporofita cakakwanisika.Hoseya 11:1; Mateu 2:15.

Pa bhokiso rinoti: “ Zviporofita ngo Pamusoro pa Mesia,” matahwa akamakwa o pa muda-nda-nda wo kuti “Ciporofita,” ano masoko mazinji ngo pamusoro pa Mesia. Tapota ezanisiranyi matahwa aya no matahwa ari pa muda-nda-nda wokuti “Kukwanirisika.” Kuita kudaro zvicazovangisa maningi gonda renyu mu zvokadi mu Soko ra Mwari.

Pamunonga mecipopora matahwa aya, mucakanganwa kuti iwona ano zviporofita zvakatahwa mu mazana o makore Jesu acito akabahwa. Jesu wakananga kuti: “Bzinodikana kuti bzitevejwe bzese bzakatahwa mu buku ra Mosi no ro Vaporofeti no ro Ndumbo.” (Luka 24:44) Inga zvamuri kuvona mu Bhaibheri renyu kamare, zvakakwanirisikadi kamare—mu masoko ese kamare.