Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 MASOKO O KUENGEJERA

Ngenyi Danieli Wakaphorofita ngo kuviya ka Mesiya wakagondeswa

Ngenyi Danieli Wakaphorofita ngo kuviya ka Mesiya wakagondeswa

MUPOROFETI Dhanieri wakararama makore anokwana 500 Jesu acito abahwa. Pikija zvakadaro, Jehovha wakazivisa kuna Dhanieli, masoko aizoitisa kuti zvikwanisike kunanga nguva yaizozojwa Jesu nokuti kugajwa inga Mesia kana Kristu. Dhanieri wainga  akabvunjwa kuti: “Ndibzo, zivai no kuzwisisa ibzi: Kubvira kutokoteswa ko muthetho ‘ngo ndava yo [kumusijihwa] no kuvakiswabze ko Jerusalema’ mbhera ku mutungamiriri wokuzojwa, kunozova no mabviki manomwe. Pa makumatandhatu na maviri o mabviki kunozovakwabze mufimbiji no ndau jakavangiswa, mu mukuvo yo kutambujika.”Danieli 9:25.

Kuti tiwane nguva yaizovia Mesia, cokutanga, tinodikana kujija fundo ro kutanga ro mukuvo unotiendesa kuna Mesia. Kuzwirana no Ciphorofeti, mukuvo uwu waizotangira pa “kubvira kutokoteswa ko muthetho ‘Ngo ndava yo kumusijihwa no kuvakiswabze ko Jerusalema.’” “kutokoteswa ko muthetho” uku kunozoitika rini? Kuzwirana no mutari wo Bhaibheri Nehemia, mupango  wo kuvakiswa ko mufimbiji waitendeneja Jerusarema wakaithwa “mu gore ro makumaviri ra mambo Artaserse.” (Neemia 2:1, 5-8) Vajiji vo zviitiko, vanopa ucapupu hwo kuti gore ro 474 N.V.I.Y. rainga gore ro kutanga kutonga kwakaperera kwa Atarsheshe. Hino, gore roci 20 rokutonga kwake rainga 455 N.V.I.Y. Wari uno tazowana pakatangira mukuvo wo ciphorofeti ca Dhanieri ngo pamusoro pa Mesia cainangira 455 N.V.I.Y.

Dhanieriunotatijamarebereonguvayaizoperambherakuvia ko “mutungamiriri [Mesia]”. Ciphorofeti cinonanga kuti “mabviki manomwe. Pa makumatandhatu na maviri o mabviki”—ese ecikwana 69 o mabviki. Nguva iyi yakarebesa kudini? Vonanyi kuti Sandujo zinji jo maBhaibheri, mabviki aya asipi mabviki o njiku nomwe, asi mabviki o makore no makore. Kunanga kuti bviki imwe nga imwe inoimirira makore manomwe akabatana. Kudurujira kwakadari ko makore kwainga kwecinasa kuzivika ngo vaJudha vo munguva yo kare. Ngo kudaro, ivona vaiceukija gore ro sabudu pa gore rocinomwe rega rega. (Exodo 23:10, 11) Hino, ciphorofeti co 69 o mabviki, cinoezana no mutengo wo 69 wo kuverengwa ko makore 7 kamwe nga kamwe, kana kuti mutengo awo ese, anokwana 483 o makore.

Zvino itusu tinodikana kuita mupimo. Kudari tikaverenga makore 483, kubvira mugore ro 455 N.V.I.Y., anotigumisa mu gore 29 N.V.Y. Irona ndirona kamare gore raainga akabhabhatijwa Jesu zve ozova Mesia! * (Luka 3:1, 2, 21, 22) Asipi kukwanirisika kunoshamaisa ko ciphorofeti co mu Bhaibheri here?

^ ndim. 6 Kubva mu gore 455 N.V.I.Y kuenda mu gore 1 N.V.I.Y pano 454 o makore. Kubva mugore 1 N.V.I.Y. mbhera mu gore 1 N.V.Y., pano gore rimwe (kwainga kucina gore ra zero). Zve kubva 1 N.V.Y. mbhera mu gore 29 N.V.Y., pano 28 o makore. Kubatanija zviverengo zvitatu izvi, tinowana makore anokwana 483. Jesu wainga ‘aurawa’ mu gore ro 33 N.V.Y., pakati po 70 o mabviki o makore. (Danieli 9:24, 26) Vonanyi bhuku rinozwi Preste Atenção à Profecia de Daniel!, cipauko 11, no Estudo Perspicaz das Escrituras, Vhorume 3, matsamba 582-585. Ese akabudiswa ngo Zvapupu zva Jehovha.