Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

Matangiro o Divi ro 7

Matangiro o Divi ro 7

Divi iri rinosanangura ngo ndhorondho yo upenyu hwa Mambo Sauri no ya Mambo Dhavhidhi inokwana 80 o makore. Pakutanga, Sauri waizvidodokesa zve waithya Mwari, asi ngo kukasika iyena wakacinja zve wakaramba kutevera ndhungamiro ja Jehovha. Jehovha wakamuramba zve, pa nguva yondhoyo, wakapa ndhungamiro kuna Samueri kuti aende koozoja Dhavhidhi kuti ave mambo wo Iziraeri. Ngo ushanje Sauri pa nguva zinji wakaeja kuuraya Dhavhidhi, asi Dhavhidhi narini aazivi kuhwirijira. Mwana wa Sauri Jonatani wakazviziva kuti Dhavhidhi wainga wasanwa ndi Jehovha, ngokudaro iyena wainga wakagondeka kuna Dhavhidhi. Dhavhidhi wakaita zvishaishi zvikuru maningi, asi iyena narini aazivi kuramba mbhangiro ya Jehovha. Kudari muri mubari, beseranyi mwana wenyu avone kusisira ko kubesera nasiriro ja Mwari mazuva ese.

ZVIRI MU DIVI IRI

CIJIJO 39

Mambo Wokutanga wo VaIsraeri

Mwari wakapa vaIziraeri vatongi kuti avatungamirire, asi ivona vaikumbira mambo. Samueri wakagaja Sauri inga mambo, asi pa kufamba ko nguva Jehovha wakaramba Sauri. Ngenyi?

CIJIJO 40

Dhavhidhi na Goriati

Jehovha wakasana Dhavhidhi kuti ave mambo wo Iziraeri zve Dhavhidhi arikutatija kuti ngenyi iyena wakasanwa.

CIJIJO 41

Dhavhidhi na Sauri

Ngenyi umwe wavo waizonda umweni, zve waizondwaro wakadavirisa kudini?

CIJIJO 42

Kucunga no kugondeka ka Jonatani

Mwana wa Mambo iyi shamwari yakanaka kuna Dhavidhi.

CIJIJO 43

Cishaishi ca Mambo Dhavhidhi

Civaringo cakashata cinovisa dango jakawanda.