Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

Matangiro o Divi ro 6

Matangiro o Divi ro 6

VaIziraeri povakaguma ku Nyika yo Cipikihwa, tabherinaki yakazoguma pa kuva cine ro kunamata ko cokwadi. Vapiri vaijijisa Mutemo zve vatongi vaitungamirira jinja. Divi iri rinovonesa kuti zvisungo no zviito zvo mundhu zvinopsasa maningi vamweni. MuIziraeri umwe nga umwe wainga no mutoro wake pamberi pa Jehovha no mudoni wake. Sananguranyi kukwevehwa kwakava na Dhebhora, Naomi, Joshuwa, Ana, mwana wa Jefita na Samueri mu dharaundha javo. Kohomejani kuti pikija vaya vacaengepi vaIziraeri, vakadari inga Rahabhe, Rute, Jaeri no vaGibhioni, vakacunga kubatana no vaIziraeri ngokuti vaiziva kuti Jehovha wainga navo.

ZVIRI MU DIVI IRI

CIJIJO 29

Jehovha Wakasana Joshuwa

Mwari wakapa ndhungamiro Joshuwa jokuti jingatibeseravo nyamasi uno, inga zvazvinodikana.

CIJIJO 30

Rahabhe Wakaviga Vafei

Mupfimbiji jo Jeriko jakawa, asi nyumba ya Rahabhe yakaramba yakaima, pikija yainga yakavakwa pa mupfimbiji.

CIJIJO 31

Joshuwa no VaGibhioni

Joshuwa wakaita mukumbiro kuna Mwari eciti: “Zuva rambai wakaima!” Mwari wakadavira here?

CIJIJO 32

Mutungamiriri Mupsa no Vanakaji Vaviri Vakacunga

Pasure po kufa ka Joshuwa, vaIziraeri vakatanga kunamata zvidhori. Upenyu hwakanesa, asi vakawana besero kubva ku mutongi Bharaki, muporofita Dhebhora zve no mbhingu yo tende ya Jhaeri!

CIJIJO 33

Rute na Naomi

Vanakaji vaviri vakafihwa ngo vanarume vari kuhwirira ku Iziraeri. Umwe wo vanakaji vodhonvo, ndi Rute, uwo waishanda mu minda, paakavoniwa ndi Bhoazi.

CIJIJO 34

Gidhioni Wakanyisa vaMidhiani

VaMidhiani vakaita kuti upenyu hwo vaIziraeri unese, vandhu vakatanga kupsaka besero ra Jehovha. Kuitisa kudini masoca mashoma a Gidhioni akanyisa 135.000 zvo masoca o vavengi?

CIJIJO 35

Ana Wakaita Mukumbiro Kuitira Mwana

Erikana wakatora Ana na Penina no mbhuri yake kuti vaende konamata ku tabherinaki ku Siro. Kondhoyo Ana wakaita mukumbiro kuitira mwana. Pacito papera gore, iyena wakabara Samueri!

CIJIJO 36

Cigondiso ca Jefita

Ngocapi cigondiso cakaita Jefita zve ngenyi? Mwana wokaji wa Jefita wakavona kudini cigondiso cakaita baba wake?

CIJIJO 37

Jehovha anovereketa na Samueri

Mupiri mukuru Eri wainga no vana vaviri vaishanda inga vapiri mu tabherinake, asi avacaizwira mutemo ja Jehovha. Mujaha Samueri wainga wakasiana zve Jehovha wakavereketa naye.

CIJIJO 38

Jehovha Wakapa Simba Samusoni

Mwari wakakapa Samusoni simba kuti ahwise vaFiristi, asi Samusoni paakaita cisungo cakashata, vaFiristi vakamubata.