Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 22

Mushamaiso pa Jombe ro Kupsuka

Mushamaiso pa Jombe ro Kupsuka

Faro paakazwa kuti vaIziraeri vainga vabuda mu Ejipita, iyena wakacinja murangariro wake wo kuvasia kuti vapinde. Iyena wakati kuno vanarume vake vo hondo: ‘Nasiriranyi karu jangu jo hondo zve ngativatevere! Aticaidikana kuvasia kuti ivona vapinde.’ Iyena no vanarume vake vakatanga kutevera vaIziraeri.

Jehovha waitungamirira vandhu vake, ecishandisa gwiti comasikati zve muriro cousiku. Iyena wakavatungamirirazve pa Jombe ro Kupsuka no kuvabvunja kuti vaite maakapamento.

Perepo vaIziraeri vakavona Faro no vanarume vake vecivateverera. Ivona vainga vari pakati no pakati po jombe no po masoca o vaEjipita. Vakatanga kukhuwa kuna Mosi Vecti: ‘Itusu tinofa! Zvainga zviri nane kutisia ku Ejipita.’ Asi Mosi wakati: ‘Mucathya. Veteranyi zve vonanyi, kuti Jehovha anozotiponesa.’ Mosi waithemba Jehovha kamare, andizvopi?

Jehovha wakabvunja vaIziraeri kuti vaphwanye akapamento. Cousiku, Jehovha wakacinja gwiti zve woadira pakati po vaEjipita no vaIziraeri. Ku divi ro va Ejipita kwainga no cidima basi. Asi ku divi ro vaIziraeri kwainga no ruvheneko.

 Jehovha wakabvunja Mosi kuti atambanuje nyara yake mu jombe. Perepo Jehovha wakaita kuti kuve no mbhepo huru pa usiku hwese. Jombe rainga rakaguhwa, pakati no pakati paro painga no gwanja. Zviuru zvo vaIziraeri zvakafamba pakaoma, pakati po kumwa kwenda ku divi rimweni.

Masoca a Faro akatevera vaIziraeri mukati mo jombe rakaoma. Perepo Jehovha wakaita kuti masoca aya atame kuzwirana. Marodha avo akatanga kubuda pa karu javo. Masoca akatanga kubvunjana kudari: ‘Ngatibude muno! Jehovha ari kuhwa pa ndau pavo.’

Jehovha wakati kuna Mosi: ‘Tambarajai nyara yako mu jombe.’ Pa nguva yondhoyo, kumwa yese yakafukija masoca ese o Ejipita. Faro no vanarume vake vese vakafa. Apana na umwe hake wakapona.

Ngo divi rimweni ro jombe, mbungano huru yo vandhu vaikuja Mwari ngo ndumbo veciti: ‘Imbiranyi Jehovha, ngokuti wakajikuja wova mukuru. Haci no vapakiri vajo vakakhandihwa mu kumwa.’ Vandhu povaiimba, vanakaji vaitamba zve vairija zvingoma. Vese vakadakara maningi wari ivona vainga vasujunuka kamare.

“Ndibzo, tinokwanisa kunanga, ngo kugonda kwese, kuti: ‘[Jehovha] anondibesa, apana co ndinothya. Vangandiitira cinyi vandhu?’”—Vaheberi 13:6