Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 7

Rusingo hwo Bhaibheri

Rusingo hwo Bhaibheri

Pasure po ndambi, vana va Nowa no vakaji vavo vakava no vana vazinji. Mbhuri yavo yakakura zve vakatanga kuzaja ndau jakasia-siana pa nyika, inga zvavakabvujwa ndi Jehovha kuti vaite.

Asi vamweni pa mbhuri ya Nowa avazivi kuzwira Jehovha. Ivona vakati: ‘Izanyi! Tivake nyumba yakarebesesa igume mugore! Tiwane zina rokutokota.’

 Jehovha aazivi kudakara ngo zvaidaro kuita vandhu avo, ngokudaro wakasunga kuvaimisa. Munozviziva kuti wakazviitisa kudini? Ngo cibvumbu wakaitisa kuti vaverekete ndumi jakasiana. Zvecivoneka kuti avacaikwanisa kuzwanana ngo cavo, ivona vakaregera kuvaka. Dhorobha rovaivakaro rakazozivika inga Bhabheri, zvinoda kureva “Kudhiringana.” Vandhu vakatanga kuparajana zve vorarama mu mativi ese o nyika. Asi vakaramba veciita zviro zvakashata mu ndau imbza jovakaendaro koogara. Kureva kuti kwainga no mundhu waida Jehovha? Ticazozvivona mu cipauko cinotevera?

“Ndiani anojikuja, anozododokeswa, ndiani anojidodokesa anozokujwa.”—Luka 18:14