Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 5

Arka ya Nowa

Arka ya Nowa

Mu kufamba ko nguva, nyika yakatanga kuva no vandhu vazinji. Vandhu vazinji vavo vainga vakashata. Pikija ngirozi jimweni jo mugore jakava jakashata. Ijona jakasiya muzi wajo mugore joviya pasi pano. Unozviziva zvajaiviira pasi pano? Jaida kusimira muviri wo kunyama kuti jirovore.

Ngirozi iji jakabara vana no vanakaji ava. Vana vondhovo vakakura zve vakava vandhu vakavanga maningi vainga magakanyara. Ivona vaikhuvaza vandhu. Jehovha aacaizotendera kuti zviro izvi zvirambe zveciitika. Ngokudaro wakasunga kuparaja vandhu vese vakashata pa ndambi.

Asi kwainga no mundhu umweni wainga akasiana maningi. Iyena waida Jehovha. Zina rake ndi Nowa. Iyena wainga no mukaji no vana vatatu, Shemi, Kami na Jafe zve mwana umwe na umwe wainga no mukaji. Jehovha wakabvunja Nowa kuti avake arka huruwane, kuitira kuti iyena no mbhuri yake vakwanise kupokonyoka pa Ndambi. Yakadari inga kasha yakakura inotumbaira mu kumwa. Jehovha wakabvunjazve Nowa kuti anghwinise zvinyama mukati mo arka kuti zvikwanise kupona pamwepo naye.

Ngo kasika, Nowa wakatanga kuvaka arka. Izvi zvakaita kuti Nowa no mbhuri yake vapeje makore anokwana kuita 50 vecivaka. Vakaivaka mu njira yovainga vakabvunjwa ndi Jehovha. Pa nguva yondhoyo, Nowa wakangwaja vandhu ngo pamusoro po Ndambi. Asi apana na umwe wakazwa.

Pakupera ko zvese, yainga yaguma nguva yo kunghwina mu arka. Ngatende tivone kuti zvicinyi zvakaitika.

“Kudari inga bzakaitika mu njiku ja Noa, ngo bzinozoitikabze pa kuvia ko Mwana wo Mundhu”—Mateu 24:37