Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 94

Vajiji Vanoashira Mujimu Mucena

Vajiji Vanoashira Mujimu Mucena

Pakupera ko mazuva anokwana kuita 10 Jesu naahwirira mugore, vateveri vake vakaashira mujimu mucena. Yainga Pentekoste yo mu gore ro 33 N.V.Y., vandhu vainga vakaza Jerusarema vecibva ku mativi mazinji o nyika kuti vaviye kumabuso. Pa njiku yo Pentekoste, vateveri vaikwana 120 vaiungana pa imwe nyumba. Ngo civhumbu, kwakaitika ciro cinokahamaja. Pa musoro po umwe na umwe wo vateveri, painga pano ciro cakadari inga muriro, pondhopo vese vakatanga kubhuya ndumi jakasiana. Kwakazika baruru ro dutu guru rakazaja nyumba.

Vandhu vainga vaviya ku Jerusarema vakazwa baruru zve vakaenda ku nyumba yondhoyo kuti vavone zvaiitika. Ivona vakakahamara pavakazwa vateveri vacivereketa ngo ndumi jimweni. Ivona vakati: ‘Vandhu ava vanobva ku Garireya. Ngenyi vanokwanisa kuvereketa ngo ndimi yedu?’

Pedru no vapostori vamweni vakaima pamberi po bungano. Pedru wakatanga kubvunja vandhu kuti Jesu wainga wakaurawa kudini zve Jehovha  wakamumusa kudini muno vakafa. Pedru wakati: ‘Wari Jesu ari mugore, pa mukono muho wa Mwari zve ndiyena watumira mujimu mucena waainga akagondesa. Ndizvona zvaita kuti muvone no kuzwa mushamaiso iyi.’

Vandhu vakapsaswa mwoyo ngo magama a Pedru, ngokudaro vakabvunjisa kuti: “Hama jedu, toitenyi wari.” Iyena wakavabvunja kuti: ‘Tendeukanyi mubhabhatijwe kuti zvishaishi zvenyu zviregerehimwe mu zina ra Jesu. Munozoashiravo cipo co mujimu mucena.’ Pa zuva rondhoro, vanokwana 3.000 vakabhabhatijwa. Kubvira pondhopo, vajiji vakatanga kuengejereka ku Jerusarema. Ngo besero ro mujimu mucena, vapostori vakaumba ungano ibza kuti vajijise vatevereri zviro zvese zvavakabvunjwa ndi Jesu.

“Ukananga ngo muromo wako kuti Jesu ndi Tenji, wecitenda kuti Mwari wakamumusa ko vakafa, unozoponeswa.”—VaRoma 10:9