Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 102

Zvakavoneswa Johani

Zvakavoneswa Johani

Mupostori Johani paainga musungwa ku cirundu co Patmos, wakavoniswa 16 o zvivoniso kana zvitatijo zvinosisira maningi ngo pamusoro po kumbeji. Zvivoniso izvo zvinokhombija kuti zina ra Jehovha rinodikana kuceneswa kudini, no kuviya ko Umambo hwake zve no kuvonesa kuti kuda kwake kwaizoitikisa kudini pasi pano pomwe no kudenga.

Pa cimwe civoniso, Johani anovona Jehovha akagara pa dendemaro rake rakacena ro kudenga, wakatendenejwa no 24 o vakuru vakasimira nguvo jakacena zve mu musoro mwavo muno junguja ro goridhe. Pa dendemaro pake paivoneka kujeka no kupaja ko mbheni kwaviya ngo kondhoyo. Vakuru vanokwana 24 vanogwadama pamberi pa Jehovha kuti vamunamate. Pa civoniso cimweni, Johani anovona vandhu vakawanda vanonamata Jehovha kana gungano huru ro majinja ese, no ndimi. Jesu anodanwa Bvuta, anovahavisa zve anovaendesa kuno kumwa no upenyu. Pa mukuvo umweni wakava no civoniso cimweni, Jesu anotanga kutonga inga Mambo kudenga pamwe no vakuru vanokwana 24. Pa civoniso cinotevera, Johani anovona Jesu acihwa no Dhragoni, kunangira Sathana no madhimoni ake. Jesu anovakhandira kubva kudenga, kwenda pa nyika.

 Perapo Johani anovona pikica yakanyara maningi yo Bvuta pomwe 144.000 vakaima pa dundhu ro Zioni. Anovonazve ngirozi icimburuka pasi pese yecibvunja vandhu kuti vathye Mwari zve no kumupa rukujo.

Pa civoniso cinotevera, Johani anovona hondo yo Harmagedhoni yeciitika. Pa hondo yondhoyo, Jesu no cikwata cake vanoparaja Sathana pomwe no nyika yake yakashata. Pa civoniso co kupejisira, Johani anovona kuzwanana pakati po zvisikwa zvo kudenga no zvo pasi. Sathana no vandhu vake vanonga vapera kuparajwa mukuperera. Anovona vandhu vese kudenga no pa nyika vecicenesa zina ra Jehovha zve vecinamata iyena basi.

“Ndinozodira ukorore pakati pako no mwanakaji, pakati po jinja rako no jinja rake. Irona rinozocangaja musoro wako, iwewe unozoruma cisisinindho cake”—Genesi 3:15