Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 74

Jesu Anova Mesia

Jesu Anova Mesia

Johani waicumaera eciti: ‘Mundhu mukuru kupinda inini ari kuviya.’ Jesu paainga no 30 o makore, wakabva ku Garireya woenda ku Murambo Jordhani, kwaibhabhatijihwa vandhu ndi Johani. Jesu waida kuti Johani amubhabhatije, asi Johani wakati: ‘Andifaneri kumubhabhatija. Ndimwi munodikana kundibhabhatija.’ Jesu wakabvunja Johani kuti: ‘Jehovha anoda kuti iwewe undibhabhatije.’ Ngokudaro, vakanghwina mu Murambo Jordhani, perapo Johani wakamubhabhatija Jesu mu kumwa.

Jesu paakabuda mu kumwa, wakaita mukumbiro. Pa nguva yondhoyo, gore rakazauka zve mujimu wa Mwari wakaviya panyezuru pake inga njiva. Perapo, Jehovha wakavereketa naari mugore eciti: “Iwewe uri Mwana wangu wokudika, Ndinodakara ndiwe.”

Mujimu mucena wa Jehovha powakaviya panyezuru pa Jesu, iyena wakava Kristu kana Mesia. Pa nguva yondhoyo, wainga ecitanga basa rainga wakatumwa kuti ariite.

Pa kupera kubhabhatijwa, Jesu wakapeja 40 o njiku naari mu zvipare. Paakahwirira wakaenda kobhuya na Johani. Johani paakavona Jesu eciviya kwaari, wakati: ‘Nga iri Bvuta ra Mwari rinozobvisa ushaishi hwo nyika.’ Johani paakananga masoko awo, waita kuti vandhu vazive kuti Jesu ndiena wainga Mesia. Unozviziva kuti zvicinyi zvakaitika na Jesu paainga mu zvipare? Ngatizvivone.

“Rakazika izwi ro mugore rainanga kuti: ‘Iwewe uri Mwana wangu wokudika. Ndinodakara ndiwe’” —Marco 1:11