Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 82

Jesu Anojijisa Vajiji Vake Kukumbira

Jesu Anojijisa Vajiji Vake Kukumbira

VaFarisi vaita zviro zvakawanda kuti vakahamaje vandhu basi. Kudari vakaitira mundhu unyasha, vanozviita kuti vavoneke. Ivona vaiita mukumbiro mu makwanja kuti vavoniwe ngo ari wese. Ivona vaidira mu musoro mukumbiro jakareba maningi, perapo vojiita mu masinagoga no muzvitaka. Asi vandhu vakashamaisika Jesu paakavabvunja kuti: ‘Mucaita mukumbiro inga vaFarisi. Vanorangarira kuti Mwari anozovazwa ngo ndava magama avo akawanda, asi asipi zvona. Pamunoita mukumbiro munonga mecivereketa na Jehova asipi no vandhu. Mucananga zviro zvondhozvo kuphinda no kuphinda. Jehovha anoda kuti munange zvamunozwa mukati kamare.

‘Munozokumbira kudari: “Baba wedu muri nyezuru, zina renyu ngarikojeswe. umambo hwenyu ngahuze kwedu, kuda kwenyu ngakuitwe pasi pano inga nyezuru.”’ Jesu wakavabvunja kuti vanodikana kuita mukumbiro  ngo pamusoro po zvokuha zvavo zvo njiku no njiku, kurengerehwa ko zvishaishi, no zviro zvimweni zvo pa mwoyo.

Jesu wakati: ‘Mucadoremba kukumbira. Rambanyi mecikumbira zviro zvakanaka kuna Baba wenyu Jehovha. Vabari vese vanoda kupekeja zviro zvakanaka kuna vana vavo. Kudari mwana wenyu akakukumbira pau, mwaizomupekeja buwe? Kudari akakumbira hove, mwaizomupekeja nyoka?’

Perapo Jesu wakazosanangura cijijo catinowana, eciti: ‘Kudari munozviziva kupa zviro zvakanaka vana venyu, Baba venyu, Jehovha vangakonehwavo kumupa mujimu mucena? Munodikana kuvakumbira basi.’ Urikuteverera ngwajo ya Jesu here? Unoita mukumbiro ucikumbira zviro zvakaita kudini?

“Kumbiranyi, munozopuwa. Psakanyi, munozowana. Gugujiranyi munozobeurihwa.” —Mateu 7:7