Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 81

Hurukuru yo pa Dundhu

Hurukuru yo pa Dundhu

Naapera kukheta 12 o vapostori vake, Jesu wakavona bungano ro vandhu raimuvetera. Ivona vakaza ngo Garirea, Judhea, Tiro, Sidhoni, Siriya no divi rimweni ro Jordhani. Ivona vakaviya no vandhu vaitambujika ngo ndhendha zve vamweni vaineswa ngo madhimoni. Jesu wakavarapa vese. Perepo wakagara pa dundhu zve otanga kuvereketa. Iyena wakadurujira kuti tinodikana kuitenyi kuti tive shamwari ja Mwari. Tinodikana kujijira kuda Jehovha. Asi atingakwanisi kuda Mwari kudari ticikadi vamweni. Tinodikana kuva vano rudo no kureremeja ari wese, pikija muvengi wedu.

Jesu wakati: ‘Azvikwani kuda mudoni wenyu basi. Munodikanazve kuda muvengi wenyu ngo mwoyo kamare. Kudari mundhu wakacamwa na imwimwi, endanyi kwaari ngo kukasika zve regereranyi. Munofanera kutaja vamweni inga zvamaida kutajwa.’

 Jesu wakapazve mbhangiro jakanaka kuna vandhu ngo pamusoro po zviro zvo kunyama. Iyena wakati: ‘Zvinosisira maningi kuva shamwari ya Jehovha kunja ko kuva no mare yakawanda. Mbabva ingaba mare yenyu, asi akuna mundhu angaba ushamwari wenyu na Jehovha. Regeranyi kuthimwa-thimwa ngo pamusoro po zvokuha, kumwa no zvokusimira. Sotanyi zvishiri. Mwari anogara ecijipekeja zvokuha. Kuthimwa-thimwa akuzoengejeri upenyu hwenyu. Ceukijanyi kuti, Jehovha anozviziva zvese zvamunoda.’

Vandhu avo vainga vacito vavona mundhu anovereketa kudari inga Jesu. Vatungamiriri vo zviara avazivi kuvajijisa zviro izvi. Ngenyi Jesu wainga mujijisi mukuru? Ngokuti zvese zvaijijisa zvaibva kuna Jehovha.

“Thwaranyi kanga yangu. Jijanyi ndini. Ngokuti ndini wakapfava no wokuthiva mwoyo, ngokudaro munozowana kuzorora mu mwiha menyu.”—Mateu 11:29