Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 CIJIJO 75

Dhiabhu Anoeja Jesu

Dhiabhu Anoeja Jesu

Jesu paakapera kubhabhatijwa, mujimu mucena wakamuendesa mu zvipare. Iyena wakaita 40 o njiku acikahi, ngo kudaro wakazwa maningi njara. Perapo, Dhiabhu wakaza koeja Jesu eciti: ‘Kudari iwewe uri Mwana wa Mwari, bvunjai mapuwe aya aphinduke kuita pau.’ Jesu wakapingura ngo kushandisa zviri mu Matahwa, wakati: ‘Zvakatahwa kuti mundhu aaponi basi ngo pau. Asi ngo mazwi ese anobva pa muromo wa Jehovha.’

Perapo, Dhiabhu wakaeja Jesu ko cipiri eciti: ‘Kudari uri Mwana wa Mwari, djatamai pasi kuva panyezuru po temberi. Zvakatahwa kuti Mwari anozotumira ngirozi jake kuti jikubate.’ Asi Jesu wakapingurazve ecishandisa Matahwa, iyena wakati: ‘Zvakatahwa kuti ucadoeja Jehovha Mwari wako.’

Pakupejisira, Sathana wakatatija Jesu umambo hwese wo munyika no upfumi wahwo pomwe no goja rahwo zve woti: ‘Ndinozokupa umambo hwese uu no upfumi wahwo kudari ukagwadama wondiromberera kamwe basi.’ Asi Jesu wakapingura kuti: ‘Ibvai Sathana! Zvakatahwa kuti unozonamata Jehovha Mwari wako basi.’

Dhiabhu wakapinda ngo kukasika zve ngirozi jakaviya zve jopa zvokuha Jesu. Kubvira pondhopo, Jesu wakacumaera masoko akanaka hwo Umambo hwa Mwari. Nga iro basa raainga wakatumwa kuti ariite. Vandhu vaidakarira maningi zvaijijisa Jesu zve vakamutevera kuenda kwese kwaienda.

“Apo [Dhiabhu] akanananga bzokunyepa, anovereketa eciteveja mwoyo wake, ngokuti ndi yena munyepi, na baba wo unyepi.” —Johani 8:44