Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 KURARAMA INGA MAKRISTU

Tanganyi Kuita Runyararo no Hama Yenyu—Kuitisa Kudini?

Tanganyi Kuita Runyararo no Hama Yenyu—Kuitisa Kudini?

Rangarijanyi kuti muri kuponera Garireya mu njiku ja Jesu. Maita hwendo kuenda Jerusarema koceukijira Dhiri ro Mucaca. Dhorobha rakazara ngo vanamati doni venyu vaviyavo mu dhorobhemo vacibva ngo ndhambo. Muri kuda kuita mupiro kuna Jehovha. Ngokudaro, muri kukweva gotokoto, motanga kuita hwendo hunonesa ngokuti mu makwanja ese o mudhorobha akazara ngo vandhu vari kuenda ku themberi. Pamunoguma, themberi rakazara ngo vamweni vanodavo kuita mupiro. Pa kupejisira, hwaa hwendo hwenyu hwo kupekeja mupiri gotokoto renyu. Pa mukuvo uu moceukija kuti hama yenyu, iri pakati po mbungano iyi kana kuti iri mu dhorobhemo, ino ndava na imwimwi. Jesu anodurujira zvomunodikana kuita. (Verenganyi Mateu 5:24.) Imwimwi no hama yenyu mungakhombijisa kudini kuti munopsaka runyararo inga zvakanaka Jesu? Pa nda-nda-nda mbiri jiriwari pasi apa, diranyi cimutaro pa mupinguro waushoni.

IMWIMWI MUNODIKANA . . .

  • kubhuya no hama yenyu kudari mukavona kuti ino razau yokuti inyangajwe

  • kueja kukhohwesa hama yenyu kuti yatonyanyavo ngo kunyangajwa zve yakaitavo zvirizvese kuti ivepo ndava iyi

  • kupurukira ngo kusengerera poinobhuya mazwiro ayo, pikija kuti amunasi kuzvizwisisa, mokumbira kuregerehwa ngo kuhwajihwa kwayo no mucikazvidi

HAMA YENYU INODIKANA . . .

  • kupsaka besero ro vamweni pa ungano ngo kuvabvunja zvomaiposera

  • kumushora, yecinanga zvese zvomakaiitira, ngokuda kuti munange kuti ndashaisha

  • kuziva kuti maidikana kucunga no kujidodokesa kuti muikhwederere, zve iyona yomuregerera ngo mwoyo wese

Ndizvonadi kuti kunamata kwedu nyamasi uno akucabatanijizve kuita mupiro jo zvinyama. Waro Jesu wakatijijisenyi ngo pamusoro po kuzwirana kuripo pakati po kuva no runyararo no hama jedu no kunamata kunotendehwa ndi Mwari?