Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 KURARAMA INGA MAKRISTU

Kwaviya Wakanaka ku Vakokwa Vedu

Kwaviya Wakanaka ku Vakokwa Vedu

Mu njiku 23 ya Soka ra Baba, vandhu vanokwana kuita zviuru 12 kana kupindirija vari kuvetehwa kuti vacazoviya pa Cirangarijo inga vakokwi vedu. I ucapupu wakanakisisa kudini wovacazoashira muiti wo hurukuro paanozosanangura ngo cipo ca Jehovha co muripo no makomborero aticazova nawo kumbeji inga muviyo kuitira vese! (Is 11:6-9; 35:5, 6; 65:21-23; Jo 3:16) Ngo kudaro, muiti wo hurukuro andiepi ega anozoita ucapupu hwo ciitiko ici cinosisirari maningi. Itusu tese tingakwanisa kupa ngo mudakaro wese kwaviya wakanaka ku vakokwi vedu. (Rom 15:7) Mazano amweni nga aya anotevera.

  • Kunja ko kuguma kakugara zve movetera kuti musongano utange, ipanyi kwaviya wakanaka kuna vaya vaviya kotivona no kuno vaya vo kuti avacaiti basa, ngo kuvasekera zve kuvatatijira ushamwari

  • Pikija mungaguma pa kunasa kungwarira vamunoziva vomakakoka, ivanyi munongwarira vamweni vo kuti kangaije vaviya ngo kuti vakaashira mukoka pa fafanya. Kokanyi vapsa kuti vaviye koogara nemwi muvone navo Bhaibheri no bhuku ro ndumbo

  • Pakupera kuitwa hurukuro, zvipirenyi kuti mudavire mubvunjo. Kudari nguva ikava shoma ngokuti pano ungano imweni inoda kugwina, itanyi nasiriro kuti mubvakacire mundhu uu mukati mo njiku nganani. Kudari amuna masoko mazinji kuitira kumuwana, kangaije mungati: “Ndaidakarira kuzwa kuti mwavona kudini ngo musongano wedu. Ndingakwanisa kudini kubhuyazve nemwi?”