Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 ZVISHANDISENYI MU BASA RO MU MUNDA

Kuitisa Nane Kuziva Kwedu mu Mushando—Kunasirira Macumairiro Ako no Revhista

Kuitisa Nane Kuziva Kwedu mu Mushando—Kunasirira Macumairiro Ako no Revhista
VONANYI

NGENYI ZVINOSISIRA: Pikija kucumaera ko kuezanisira kunoviya pa ndhungamiriro jo musongano kunopa mazano anobesera, iwona ndi mazano basi o zvakatahwa. Imwimwi munodikana kushandisa magama enyu kamare. Kangaije mungadakarira mazano akasiana anokwevejera kana kuti munovona shwiro inodakarihwa maningi mu ndharaundha yenyu. Ngo kudaro, pakupera kuverenga revhista, vonanyi kucumaira ko kuezanisira, zve vonanyi kukhombijira ko vhidhio, mungashandisa mazano kuitira macumairiro o kuezanisira o mundhu ega.

MAITIHWE AZVO:

Zvibvunjisenyi kuti: ‘Ndinoda kushandisa kumwe ko kucumaira ko kuezanisira here?’

HINA

  • Nasiriranyi zvomungavereketa pakutanga. Mukapera kucungamija inga zvo cirovejeso, tanganyi ngo kunanga cinangwa co kubvakacira kwenyu. (Muezaniso: “Ndaviya pano ngo kuti . . .”)

  • Vonanyi kuti munozoitisa kudini mubvunjo, kunanga vhesi no kumupekeja. (Muezaniso: Kuitira kunanga vhesi, mungananga kudari: “Mupinguro unodakajisa wo mubvunjo uu ungawanika apa.”)

HAIWA

  • Sananyi shwiro kubva mu revhista inomudakajisa zve inozodakarihwa mu ndima yenyu

  • Sunganyi kuita mubvunjo wo mavonero wamunozobvunjisa unomusijira kurangarira no kubhuisana, asi aubviri kusia muno wo muzi acina co kunanga. (Muezaniso: Mubvunjo unoshanda unowanika pa pheji 2 yo marevhista.)

  • Sananyi vhesi imwe kuti muverenge. (Kudari muri kutatija Despertai! mungasana kuverenga vhesi kana kuti haiwa, ngo kudaro revhista iyi yakaitihwa vayani vaano uzivi padoko hwo Bhaibheri zve pikija kuna vaya vacikatendi ciara.)

  • Nasiriranyi thangwe rimwe kana maviri anosanangura kuti muno wo muzi angazobesereka kudini ngo kuverenga musorowo

NGO NJIRA IMWENI

  • Nasiriranyi mubvunjo unotevera kuti muzodavire pakuzoita hwiririro

  • Tariranyi zviri zvese kuti zvimubesere kuceukija zvamunoda kunanga nguva inotevera