Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 KURARAMA INGA MAKRISTU

Kuitisa Nane Kuziva Kwedu Mu Mushando—Kutanga Mabhuyo Anoendesa ku Ucapupu

Kuitisa Nane Kuziva Kwedu Mu Mushando—Kutanga Mabhuyo Anoendesa ku Ucapupu

Jesu wakakwanisa kuita ucapupu hucizivi kurongwa ku mwanakaji mu Samaria ngo kuti wakatanga ngo kubhuya naye. Tingaitisa kudini nane kuziva, pa kuda kutangisa mabhuyo no waticikazivi?

  • Ivanyi no ushamwari zve bhuyanyi no vandhu vese. Pikija hazvo wainga aremba, Jesu wakatanga mabhuyo akareruka ngo kukumbira kumwa. Ngokudaro imwimwi mungatanga ngo kumucungamija makasujunuka zve kubhuya ngo pamusoro po mugariro, kana ku zviri kuitika. Ceukijanyi, cinangwa ngo cokuda kubhuisana, perapo bhuyanyi shwiro inoita kuti mundhu akhombije kudakarira. Kudari akatama kudavira, amuruzi ciro. Ejanyizve no mundhu umweni. Kumbiranyi Jehovha kuti amupe cicunge.—Nee 2:4; Mait 4:29.

  • Ivanyi makanasirira kuitira mukana wese kuti mubhuye masoko akanaka, asi mucakasikira. Itanyi kuti kubhuisana kwenyu kuve ko cibarihwe. Kudari mukamuvangirija, kangaije anonga ecikana-kana zve otoima kubhuisana. Mucanyangajwa kudari mabhuyo akapera mucito mukamupa ucapupu. Kudari zvinomunesa kucinja mabhuyo kuti mutange amweni, ngokudaro ejanyi kutanga mabhuyo mucina cinangwa co kupa ucapupu. [Rijanyi vhidhio yo divi ro 1 no kubhuisana.]

  • Ejanyi kuita kuti kubhuya masoko anomutora kuti munange zvomunotenda, izvo zvinomuvangisa kuti akumbire kunasa kusanangurihwa acipurutana. Jesu wakaita mabhuyo akatora kuti mwanakaji uu aite muvhunjo. Paaipejisira kubhuya masoko akanaka, iyena waidavira muvhunjo. [Rijanyi vhidhio yo divi ro 2 no kubhuisana, tevere rijanyizve vhidhio yo divi ro 3 no kubhuisana.]