Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 KURARAMA INGA MAKRISTU

Wananyi Mudakaro pa Kucumaera Masoko Akanaka

Wananyi Mudakaro pa Kucumaera Masoko Akanaka

Munocineso pa kucumaera here? Vazinji vanopingura kuti hina pa mubvunjo uu. Ngenyi? Kangaije tinosongana no vandhu vakavanga mwoyo kana vanotizonda zve totothya kubhuya no vaticikazivi. Zvokadi zviro izvi zvingapungura mudakaro wedu. Asi, itusu tinonamata Mwari anodakara uwo anoda kuti timushandire takadakara. (Ndu 100:2; 1 Tim 1:11, Shanduro yeNyika Itsva) Ngo api mathangwe matatu anosisira anotiita kuti tidakare pa kucumaira?

Rokutanga, tinocumaera masoko o vetero. Pikija vetero iri kupunguka mu vandhu vazinji nyamasi, tingazaja mwoyo jo vandhu ngo “masoko akanaka, anozivisa ruponeso.” (Is 52:7) Asi masoko akanaka o Umambo hwa Mwari angatizaja ngo mudakaro. Ticito tikabuda kocumaira, ngatirangarijisise ngo pamusoro po makomborero anozoviiswa pasi pano ngo Umambo hwa Mwari.

Rocipiri, masoko akanaka otinocumaira anobesera uhomi hwo kunyama no hwokumujimu hwo vandhu. Ivona vanojijira kusia zviito zvinokhuvaza zve vowana vetero yo upenyu ucikaperi. (Is 48:17, 18; Rom 1:16) Ngatimborangarije basa ratinaro rokupsanga no kuponesa vandhu. Pikija vandhu vamweni avadi kuponeswa, tinoramba tecipsaka vaya vanoda kuponeswa.—Mt 10:11-14.

Rocitatu zve rinosisira maningi, kucumaira kwedu kunokuja Jehovha. Iyena anoreremeja maningi basa redu ro kupa ucapupu. (Is 43:10; Heb 6:10) Kusiapo izvo, ngokukova kwake kwese anotipa mujimu wake mucena kuti tikwanirise basa iri. Ngokudaro, kumbiranyi Jehovha wo mudakaro, mucero wo mujimu mucena. (Gal 5:22) No besero rake, tinokwanisa kunyisa kuthimwa-thimwa kwedu zve tocumaira ticingathyi. (Mait 4:31) Azvinenyi kuti madavirire api anoita vandhu mu ndima yedu, tinozowana mudakaro mu basa rotakagajwa ro kucumaira.—Eze 3:3.

Kuzvipira kwakadini kwamaizoda kuva nako mu basa ro kucumaira? Mudakaro wenyu uri kumupsasa kudini?

VONANYI VHIDHIO INOTI WANANYIZVE MUDAKARO NGO KUJIJA NO KURANGARIJISISA, PERAPO DAVIRANYI MUBVUNJO JINOTEVERA:

  • Ngenyi tinodikana kudira pakutanga zviroverejeso zvedu zvokuha zvo kumujimu, pikija hazvo tinopeja nguva yakawanda tecicumaira mweji ngo mweji?

  • Tinodikana kutevejera Maria mu njira japi?

  • Ndirini pomunodikana kutora mguva kuti murangarijisise Soko ra Mwari?

  • Zvicinyi zvinomuviisira mudakaro pamunocumaira masoko akanaka?