Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 KURARAMA INGA MAKRISTU

Ndumbo jo Umambo Jinopa Cicunge

Ndumbo jo Umambo Jinopa Cicunge

Pauro na Sira vakakuja Mwari ngo ndumbo vari mu kadhea. (Mait 16:25) Mu mazuva ano, vatendi doni vakaimba ndumbo jo Umambo ku Sachsenhausen mu ndau yo vaiunganijwa vasungwi mu Nazi ku Aremanya zve povainga vari muusungwi ku Sibheria. Muezaniso iji jinofananijira simba ro ndumbo, pa kupa kwajinoita cicunge ku maKristu ari pa matambujiko.

Ndumi zinji sambi sambi jicava no bhuku ro ndumbo imbza rina musoro unoti: ‘Ngatiimbire Jehovha no Mudakaro Wese’ . Potinoashira bhuku rimwe ro ndumbo, tinokwanisa kudira mu murangariro magama ayo ngo kujijira ndumbo jayo pa kunamata ko mbhuri. (Ef 5:19) Tikaita kudaro, mujimu mucena unozotibesera kuti tijiceuje potinowanana no zviejo. Ndumo jo Umambo jinotibesera kuti tisotesese vetero yedu. Jinokwanisa kutipa simba potinohwisana no zvineso. Zve patino mujimu waushoni, magama ayo anodakajisa, anotiitisa kuti tiimbe ‘ngo mudakaro mukuru’ ngo ndava yo mugariro waushoni wo mwoyo wedu. (1 Kron 15:16, Shanduro yeNyika Itsva; Ndu 33:1-3) Ngatinase kushandisa ndumbo jedu jo Umambo ngo maitiro ari ese!

VONANYI VHIDHIO NDUMBO YAKAVANGISA VASUNGWI. PEREPO DAVIRANYI MUBVUNJO IJI:

  • Mugariro japi jakaitisa kuti Hama Frost vatare ndumbo?

  • Hama jakapuwa kudini simba ngo ndumbo ku ndau yaiunganijwa vasungwi ku Sachsenhausen?

  • Ndumbo jo Umambo jingamuvangisavo pa mugariro japi jo njiku no njiku?

  • I ndumbo yapi yo Umambo yomunoda kudira mu musoro?