Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 KURARAMA INGA MAKRISTU

Kubatana pa Kucumaira mu Ndima Munovereketwa Ndimi Jakasiyana

Kubatana pa Kucumaira mu Ndima Munovereketwa Ndimi Jakasiyana

Vandhu vazinji vanonasa kudavira masoko akanaka o Umambo pavanomazwa ngo ndumi yavo yo cibarihwe. Kangaije ngo zvakaitisa kuti mu Pentekoste yo 33 N.V.Y., Jehovha wakaita kuti “vaJuda vatendi va Mwari, vo majinja ese o pasi” vazwe masoko akanaka ngo ‘ndimi yo cibarihwe,’ pikija uzinji wavo vaivereketa ndumi yo ciGiriki no ciHebheri. (Mait 2:5, 8) Nyamasi uno, mu ndima iri yese muno vandhu vanovereketa ndumi jimweni, ungano jingaita musongano ngo ndimi jakasiyana-siyana zve jingacumaira mu ndima yondhoyo. Kuitisa kudini vacumairi vo mu ungano jakasiyana vangabatana pamwepo kuti vape ucapupu ku vandhu vakawanda?

  • Kuvhunjisa (Mazwi 15:22): Vavonereri vo basa vanodikana kuvhunjisana no kuita urongwa wakanaka kuti masoko akanaka acumaehwe kwese. Ungano jinovereketa ndumi jimweni kangaije avangadakariri kuti imwimwi mucumaire mu ndima javo. Asi, kudari vacikakwanisi kupeja ndimeyo ngo ndava yo kuparajana kwakaita muzi, kangaije vangada kuti mutame kuphuka muzi jiri mukatimo, asi mukawana mundhu anotatija kudakarira munodikana kuvazivisa. (od 93 ¶37) Kana vangakumbira kuti ungano yenyu ivabesere kuwana vandhu vanovereketa ndumi yo ungano yavo zve endereso yo vandhu ava iyende kuungano inoverekethwaro ndumi yavo. (km 7/12 5, vonanyi bhokiso) Zivanyi kuti pa muzi umwe basi pangaverekethwa ndumi jakawanda. Kuita nasiriro ngo pamusoro po kupeja ndimeyo kunodikana kuzwira mutemo jo mu nyikemo.

  • Kubatana (Ef 4:16): Zwiranyi ndhungamiro jese jamunopuwa ngo muvonereri wenyu wo basa. Imwimwi muri kuitisa jijo yo Bhaibheri ngo ndumi iciripi yo ungano yenyu here? Mujiji angaenderera mberi ngo kukasika kudari mukamupa vari ku ungano kana cikwata cinovereketa ndumi yake.

  • Nasiriranyi (Mazwi 15:28; 16:1): Kudari pakava no mundhu mu ndima yenyu anovereketa ndumi imweni, itanyi zvamunokwanisa kuti mukovane naye masoko akanaka. Mungatokwanisa kunasirira ngo kutanga maziva ndumi jinoverekethwa mu ndima yenyuyo no kubhashari sandujo yo Bhaibheri no mavhidhio mu foni menyu. Mungashandisazve JW Language kuti mujijire kucungamija mu ndumi iji.