Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 KURARAMA INGA MAKRISTU

Jijisanyi Cokwadi

Jijisanyi Cokwadi

Kutangira mu mweji wa Cikumiana, Upenyu no Mushando Ndhungamiriro jo Musongano unozobatanija maitiro mapsa o kucumaera ko kuezanisira ano musoro unoti: “Jijisanyi Cokwadi.” Cinangwa cedu cinozova cokukohomeja cokwadi huru yo mu Bhaibheri, tecishandisa mubvunjo no tsamba.

Kudari tikavona ­kudakarira, tingavonesa cido co kuhwirirazve ngo kusia bhuku kana ngo kukhombija vhidhio mu jw.org. Tinodikana kueja kuita hwiririro mukati mo njiku nganani basi kuitira kuvangisa kubhuisana kwatakaita. Macumairiro mapsa aya no kugajwa ko vajiji anonozocijikira mu cipauko co kuhwirijira cinowanika mu bhuku Bhaibheri Ringatijijisenyi? ­Mondhomo tingawana mubvunjo jo kuengejera no matahwa angatibesera kuti tiite hwiririro kana kuti tiitise jijo tecishandisa Bhaibheri basi.

Kuno gwanja rimwe basi rinotungamirira ku upenyu. (Mt 7:13, 14) Zvecivoneka kuti tinovereketa no vandhu vo zviara zvakasiana-siana vano mugariro jakasiana, tinoda shwiro jo cokwadi jo mu Bhaibheri kuti tijishandisire mundhu pa ega. (1 Tim 2:4) Patinobhuya maningi ngo musoro jakasiana-siana jo mu Bhaibheri no kuitisa nane kwedu ‘kujijisa ngo urungami izwi ro bzokadi,’ mudakaro wedu unozoengejeka zve tinozobudirira mu kujijisa cokwadi ku vamweni.2 Tim 2:15.