Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 MAPONERO O CIKRISTU

“Pauro Wakabonga Mwari no Kuzwa Kuvangiswa”

“Pauro Wakabonga Mwari no Kuzwa Kuvangiswa”

Hama jo ungano yo ku Roma jakavia kuti jivonane na Pauro jakafamba mu zvipare mumango unokwana kuita 64 o makiromita kuitira vawanane. Kuitisa kudini rudo hwavo wokuzvipira wakapsasa Pauro? “Mataberna matatu. Pakuvavona, Paulo wakabonga Mwari, wovanga mwoyo.” (Mait 28:15) Pikija Pauro waikwanisa kuvangisa ungano yaaibvakacira, asi pa mukuvo wokuti wainga mu kadheya, ndiyena wakazoashira vangiso.—2 Kor 13:10.

Nyamasi uno vavonereri vo ndharaundha vanofamba ungano ngo ungano kuitira kuvangisa hama no hambzaji. Mukufanana no vandhu vese va Mwari, nguva jimweni vanosongana no zvineso, kuthimwa-thimwa, no kucamwa. Muvonereri wo ndharaundha no mukaji wake paanonga ecishandira pa ungano yenyu, zvicinyi zvamungaita kuti muvabesere kuva vakacunga, zve pave no ‘kuvangisana umwe no umweni’?—Rom 1:11, 12.

  • Kubesera musongano wo basa ro mu munda. Muvonereri wo ndharaundha anovangisa vacumaeri vazvipire kuti vabesereke pa basa ro sumana inosisira. (1 Tes 1:2, 3; 2:20) Shandanyi inga mapiona obesero pa mweji wo vhizita. Imwimwi mungakwanisa kushanda naye no mukaji wake mu basa ro kucumaera, kana kutora umwe wavo kwenda ku jijo yo Bhaibheri? Ivona vanodakarira kushanda no vacumaeri vakasiana-siana, kubatanija vayani vari vapsa kana vacina uzivi hwakawanda mu basa ro kucumaera.

  • Kuashira varendo. Imwimwi mungakwanisa kupa cokuha kana pokuvatira here? Izvi zvinokhombija kuti tino rudo ku muvonereri wo ndharaundha no mukaji wake. Ivona avaimiri kuwana zviro zvizinji.—Lc 10:38-42.

  • Purukiranyi no kushandisa ndhungamiro no mazano ake. Muvonereri wo ndharaundha ngo rudo hwese anotibesera kuti tiitise nane mu basa ra Jehovha. Nguva jimweni, angatipa mbhangiro yakavanga. (1 Kor 5:1-5) Apo patinopurukira no kuteveja zvinozoita kuti ave no mudakaro.—Heb 13:17.

  • Khombijanyi kudakarira. Bhuyanyi no muvonereri wo ndharaundha no mukaji wake kuti kuvangisira kwavo kuri kumubesera kudini. Imwimwi mungabhuya navo kana kuita ngo kutara.—Kol 3:15.