Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 KURARAMA INGA MAKRISTU

Raramanyi Kuitira Kusimba Jehovha!

Raramanyi Kuitira Kusimba Jehovha!

Upenyu i cipo co Mutengo mukuru. Mashandisiro otinoita cipo ici anotatija mabongero otinoita ngo cipo ici. Inga Zvapupu zva Jehovha, tinovangisira kuti tishandise zvotinokwanisa no zivo yotinayo kuitira kukuja no kureremeja Jehovha, Mupi wo Upenyu. (Ndu 36:10; Ap 4:11) Asi, kuthimwa-thimwa ngo upenyu hwo njiku no njiku mu nyika ino ya Sathana kunotiitisa kuti tisiye sure zvido zvo kumujimu. (Mc 4:18, 19) Umwe na umwe wedu waizoita zvaushoni ngo kuzvibvunjisa kudari: ‘Ndiri kunasadi kupa Jehovha zvakanakisisa here? (Hos 14:3) Basa rangu riri kundiendesa kwapi? Ngozvapi zvido zvangu zvo kumujimu? Ndingazoengejeresa kudini mushando wangu pa kubatira Jehovha?’ Kudari mukavona divi romunodikana kuitisa nane, itanyi mukumbiro kuna Jehovha kuti amubesere zve itanyi cinjo jinodiwa. Pacina kukana-kana, kusimba Jehovha njiku no njiku kunoita kuti muwane upenyu hunopfaja no hunodakajisa!—Ndu 61:9.

Ndiani womuri kupekeja zvomunokwanisa?

VONANYI VHIDHIO INA MUSORO UNOTI SHANDISIRANYI KUNA JEHOVHA ZVOMUNOKWANISA ZVE DAVIRANYI MUBVUNJO JINOTEVERA:

  • Ngenyi ikutama ungwaru kupa zvakanakisisa zvenyu ku nyika ya Sathana? (1 Jo 2:17)

  • I makonborero api anowaniwa ngo vanopa zvakapindisisa kunaka zvavo kuna Jehovha?

  • I mukana japi jo munguva yakazara jomungazvipira kuti mushandisire zvomunokwanisa no zvomunoziva?