Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 KURARAMA INGA MAKRISTU

Mashandisiro Otingaita Bhuku— Bhaibheri Ringatijijisenyi?

Mashandisiro Otingaita Bhuku— Bhaibheri Ringatijijisenyi?

Bhuku Ringatijijisenyi no bhuku Bhaibheri Rinojijisenyi akaezana. O maviri i mathurusi ari mu bhokiso ro mathurusi kuitira kujijisa, awo anokhombija cokwadi condhoco no marongehwe ondhoo. Asi, bhuku Bhaibheri Ringatijijisenyi rinoshandisa magama akareruka zve anonasa kuzwisisika. Rakaitihwa vaya vano cineso pa kuzwisisa bhuku Bhaibheri Rinojijisenyi. Kunja ko masoko o kuengejera, bhuku Ringatijijisenyi rino masoko o kupejisira awo anopa sananguro yakareruka yo magama manganani no kudurujihwa kunowanika mu ndima jo cipauko. Zvipauko azvina mubvunjo jo matangiro kana bhokiso ro kuhwirijira. Kunja ka izvo, rino divi rinoti kuhwirijira ko zvokadi zvo mu Bhaibheri zvinosananguhwa mu ndima jo cipauko. Kudari inga zvaiithwa no bhuku Bhaibheri Rinojijisenyi, bhuku Bhaibheri Ringatijijisenyi ringapekejwa ari wese pa mukuvo uriwese, pikija ticiripi kutorikovanisa pa mweji wondhoo. Tingashandisisa kudini mugariro unowanika mu bhuku Bhaibheri Ringatijijisenyi patinonga tecijijisa mundhu Bhaibheri?

KUHWIRIJIRA: Ku vandhu vazinji, kazinji njira yedu yo kuitisa jijo ngo yo kuverenga ndima no kuita mu bhuku Bhaibheri Rinojijisenyi mubvunjo zvinoshanda ushoni. Ngatiti, mujiji aakwanisi ushoni ndumiyo kana aakwanisi kuverenga ushoni. Pa mugariro uu, mungasana henyu kushandisa bhuku Ringatijijisenyi. Perapo, moshandisa divi rinoti kuhwirijira ko cipauko inga macijikiro kuitira jijo yenyu kana kuti mujiji angaverenga ndima jo cipauko mu ndumi yake. Cokwadi cimwe nga cimwe co Bhaibheri kazinji cingajijwa pa divi ro jijo kangaije pa museswa 15. Zvecivoneka kuti divi rinoti kuhwirijira ariwaniki zvese zvinowanika mu ndima jo cipauko, mujijisi anodikana kunasirira ushoni, arambe ecirangarira zvinodiwa zvo mujiji wake. Kudari mujijisi waitisa jijo yo Bhaibheri ecishandisa ndima jo cipauko, angashandisa divi rakatahwa kuti kuhwirijira kuitira kuhwirijira mafundo ajijwa mu musorowo.

MASOKO O KUPEJISIRA: Magama kana madurujirihwe o magama anowanika mu masoko o kupejisira akarongeka kudari inga anowanika pa ndima jo cipauko. Mujijisi angasana kudari ecida kubhuisana ngo masoko o kupejisira anowanika mu bhuku Ringatijijisenyi pakati po jijo yo Bhaibheri.