Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 KURARAMA INGA MAKRISTU

Ceukijanyi Mukaji wa Roti

Ceukijanyi Mukaji wa Roti

Ngenyi mukaji wa Roti wakasota sure paaitiza kuvha Sodhoma? Bhaibheri arinangi. (Gn 19:17, 26) Masoko a Jesu apa anovonesa kuti kangaije waisota zvaainga asiya sure. (Lc 17:31, 32) Tingaitenyi kuti titame kukanganwa unyasha hwa Mwari inga zvakaita mukaji wa Roti? Atidikani kusiya kugarika kana zviro zvokunyama kuti zvive pa ndau yokutanga. (Mt 6:33) Jesu wakati “Amukwanisi kubatira Marure pamwepo no upfumi.” (Mt 6:24) Tingaitenyi kudari zviro zvo kunyama zviri kutanga kutiphingaija mu upenyu hwedu pa zviro zvo umwari? Tinodikana kuita mukumbiro kuna Jehovha kuti tive vakangwara tivone patinoda kunasirira zve kuti tive no cicunge no simba rokuzviita.

MAKACIJIKIRA PA MATIVI-MATATU O VHIDHIO INOTI CEUKIJANYI MUKAJI WA ROTI, ZVE DAVIRANYI MUBVUNJO JINOTEVERA:

  • Ndingakhombijisa kudini kuti ndiri ku “ceukija mukaji wa Roti”?

    Kuitisa kudini kuvangirijwa kwakaitwa Groria kwakapsasa manera okurangarira, mabhuyo zve no zviito zvake?

  • Kuitisa kudini mukaji wa Roti muezaniso no ngwajo kwatiri nyamasi?

  • Kuitisa kudini kushandisa zviambi zvo muBhaibheri zvakabesera Joni no mbhuri yake?

  • Kuitisa kudini ushamwari hwa Ana no vokubasa kwake kwakapsasa umujimu hwake?

  • Ngenyi tinoda cicunge kudari tikavangirijwa kuti tidire mare pa ndau yokutanga mu upenyu?

  • Bheni na Groria vakaitenyi kuti vadirezve pakutanga zviro zvo kumujimu?

  • Zviambi zvapi zvo muBhaibheri zvatavona pa muezaniso wo vhidhio ii?