Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 KURARAMA INGA MAKRISTU

Jesu Wakafira Hama Yako

Jesu Wakafira Hama Yako

Jesu wakapira upenyu hwake ku vandhu vacizivi kukwana. (Rom 5:8) Atikani-kani ngokuti tinokwanisa kuvona undhu hwa Jesu ngo rudo hwake kuna itusu no kutipa kwake upenyu hwake pacedu. Ngokudaro, nguva jimweni tinodikana kuceukija kuti Jesu wakafira hama jedu. Tingatatijisa kudini rudo wa Kristu ku hama no hambzaji jedu jicikazivi kukwana inga ndisu? Vonanyi njira ndhatu. Yokutanga, tingakwanisa kuwana shamwari jokuti jino mugariro wakasiyana no wedu. (Rom 15:7; 2 Kor 6:12, 13) Yocipiri, tinodikana kuita ubhasopa pa zvatinovereketa no zvatinoita kuti titame kuva cikhugu ku vamweni. (Rom 14:13-15) Yokupejisira, mundhu akatishaishira tinodikana kumuregerera ngo kukasika. (Lc 17:3, 4; 23:34) Kudari tikaenderera mberi tecitevejera Jesu mu njira iji, Jehovha anozoramba acikomborera ungano ngo runyararo zve yakabatana.

VONANYI VHIDHIO INOTI ENGEJERANYI KUVA VAKANAKA! PERAPO DAVIRANYI MUVHUNJO JINOTEVERA:

  • Pa kutanga, Miki wakajizwa kudini pa ungano?

  • Zvicinyi zvakaita kuti mazwiro ake acinje?

  • Muezaniso wa Jesu wakabesera kudini Miki kuti acinje mazwiro ake? (Mc 14:38)

  • Kuitisa kudini Mazwi Akangwara 19:11 inotibesera kuvona maKristu a tinonamata nawo ngo njira yakanaka?