Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 KURARAMA INGA MAKRISTU

Kuitisa Nane Kuziva Kwedu mu Mushando—Kunghwina mu JW.ORG

Kuitisa Nane Kuziva Kwedu mu Mushando—Kunghwina mu JW.ORG

NGENYI ZVINOSISIRA: Mabhuku edu ese atinoshandisa o mu Bhokiso redu ro Kujijisa anobhuya ngo jw.org. Ngo zvokadi kuti cinangwa cikuru co khadhi zve forieto Ngokwapi Kwatingawana Mupinguro ku Mubvunjo Mukuru jo Upenyu? inotungamirira vandhu kuti vawane websaite yedu. Imwimwi mungashandisa bhuku ro kujija rinovha mu Bhokiso redu ro Kujija ngo kuti vamweni vanoshandisa jw.org ngo e-mail no zvimucini zvimweni. Izvo zvinobesera kamare pa basa ro kupa ucapupu maningi-ningi kuno vandhu vanovereketa ndumi jimweni. Cimwenizve, vandhu vanoita muvhunjo jakapinguhwa mu mabhuku edu asi aawaniki mu bhokiso redu. Kudari tecikwanisa kunghwina mu websaite yedu tingakwanisa kubudirira ushoni mu mushando wedu.

MAITIHWE AZVO:

  • Shandisanyi panoti “JIJO YO BHAIBHERI.” Amborangariranyi kudari imwimwi muri kupa ucapupu ku vabari vanoda kuzwa ngo pamusoro po kurera vana. Endanyi panoti KUJIJA BHAIBHERI > MUCADHO & MBHURI.

  • Shandisanyi panoti “MABHUKU.” Amborangariranyi kuti maita ucapupu hucikazivi kurongwa kucikora zve imwimwi muri kubhuisana naye ngo pamusoro po bhurushura rinoti Mupinguro jo 10 ro Mubvunjo Jinobvunjiswa Ngo Vocidoko. Endanyi panoti MAREVHISTA > MABHUKU & MABHURUSHURA.

  • Shandisanyi panoti “NGO PAMUSORO PEDU.” Amborangariranyi kuti maita ucapupu ku wamunoshanda nae kubasa uwo anoda maningi sananguro yakareruka ngo pamusoro po zvatinotenda. Endanyi panoti NEZVEDU > MIBVUNZO INONYANYA KUBVUNZWA.

VONANYI VHIDHIO INOTI KUNGHWINA MU JW.ORG, ENDANYI PAMUNODA KUITIRA KUNGHWINA MU WEBSAITE PA KUBESERA:

  • acikatendi

  • ku mundhu wasongana no dambujiko

  • hama kana hambzaji vacikacaiti basa

  • pa hwiririro inoda kuziva kuti basa redu rinosapoteswa kudini

  • mundhu wo nyika imweni ari kuda kuenda kumusongano kunyika yake