Kwenda ku nda-nda-nda yo zviri mukati

Kwenda ku bhokiso ro zviri mukati

Zvapupu zva Jehovha

Kheta ndumi Cindau

 MAPONERO O CIKRISTU

Munganasiririsa Kudini Kuitira Cirangarijo?

Munganasiririsa Kudini Kuitira Cirangarijo?

Kutangira gore rino, tinozova no mukuvo wakawanda kuitira kunasirira Cirangarijo co kufa ka Jesu. Kudari Cirangarijo cikaitika pakati po sumana, Musongano wo Upenyu no Mushando auzoithwi sumana yonayo. Kudari cikaitika ku mbhiri ko sumana, hurukuro ya vese no Jijo yo Murindiri aizoithwi sumana yonayo. Munozoshandisa kudini nguva yonai? Kudari inga mu zana rokutanga ro makore, tinodikana kuita nasiriro kuitira ciitiko ici cinosisira. (Lc 22:7-13; km 15/3 1) Asi tese tinodikana kunasirira mwoyo wedu. Tingazviitisa kudini izvi?

  • Rangarijisisanyi kuti ngenyi zvinosisira kuenda ku Cirangarijo.—1 Kor 11:23-26

  • Rangariranyi kuti ushamwari hwenyu na Jehovha wakadini no kukumbira ngo pamusoro pazvo.—1 Kor 11:27-29; 2 Kor 13:5

  • Verenganyi no kurangarijisisa mathurusi o mabhuku edu no kubhuisana ngo revo yo Cirangarijo.—Jo 3:16; 15:13

Vacumaeri vamweni vanoverenga no kurangarijisisa Cirangarijo, ngo kuverengwa ko Bhaibheri kunowanika mu bhuku Jijanyi Matahwa Njiku Jese. Vamweni vanoverenga mavhesi o Bhaibheri anoviya pasi apa. Vamweni vanovona musoro jo Murindiri jinobhuya ngo Cirangarijo no rudo wakakhombijihwa ndi Jehovha na Jesu. Azvinenyi kuti makakheta zvapi kuti mujije, asi cinosisira maningi kukhwedeja ushamwari hwenyu kuna Jehovha no Mwana wake.