Kwenda ku nda-nda-nda yo zviri mukati

Zvapupu zva Jehovha

Kheta ndumi Cindau

Kuva no Vakaji Vakawanda zvinotendehwa Here?

Kuva no Vakaji Vakawanda zvinotendehwa Here?

Mupinguro wo Bhaibheri

Pakambova no nguva yokuti Mwari wakatendera kuti mwanarume ave no vakaji vakawanda. (Genesi 4:19; 16:1-4; 29:18-29) Asi Mwari andiyepi wakagaja kuti mwanarume ngaave no vakaji vakawanda. Iyena wakaitira Adhamu mukaji umwe basi.

Mwari wakapa mutemo Jesu Kristu kuti agajezve ndhungamiriro Yake ngo pamusoro po kuva no vakaji vakawanda. (Johani 8:28) Paakabvunjiswa ngo pamusoro po mucadho, Jesu wakati: “Marure, pakutungamira, wakavarura mwanarume no mwanakaji eciti: ‘Ndibzo mwanarume anozosia baba na mai, wozobatana no mukaji wake, vovaviri vanozoita muviri umwe basi.’”—Mateu 19:4, 5.

Umwe wo vajiji va Jesu wakazofemehwa ndi Mwari kuti atare kudari: “Mwanarume ngaapsange mukaji wake, mwanakajivo mwamuna wake.” (1 VaKorinto 7:2) Bhaibheri rinonangazve kuti mwanarume ariwese wakacadha ano mutoro mukuru mu ungano yo ciKristu anodikana kuva mwamuna wo “mukaji umwe basi.”—1 Timoti 3:2, 12.