Kwenda ku nda-nda-nda yo zviri mukati

Zvapupu zva Jehovha

Kheta ndumi Cindau

Mwari Wakasika Dhiabhu Kuitira Kutieja Here?

Mwari Wakasika Dhiabhu Kuitira Kutieja Here?

Mupinguro wo Bhaibheri

Bhaibheri rinovonesa kuti Mwari aazivi kusika Dhiabhu. Asi Iyena wakasika mundhu wakazova Dhiabhu. Bhaibheri rinoti ngo pamusoro pa Mwari: “Basa rake rakaperera ngokuti maitiro ake akarungama. Yena ndi Mwari wokadi-kadi, acina bzicikazivi kururama, ndiyena Mururami no Murungami.” (Deuteronòmio 32:3-5) Ngo masoko aya, tinoguma pa kunanga kuti Sathana Dhiabhu wainga akakwana pakutanga zve akaperera, waidanijwa mwana wa Mwari, ngirozi.

Pana Johani 8:44, Jesu wakati kuna Dhiabhu “aazivi kuvangirira mu bzokadi,” zvinoda kureva kuti Sathana wakava no nguva yaainga mucokwadi zve acina cishaishi.

Asi, mukufanana no zvisikwa zvese zva Jehovha zvakangwara, ngirozi yakazova Sathana, yainga yakaruhwa ino ungwaru wokuzvikhetera zvakanaka no zvakashata. Ngo kukheta kupandukira Mwari no kucengeja varovorani vokutanga, yakajiita Sathana, zvinoreva “Mucengeji.”—Genesi 3:1-5; Apokalipsi 12:9.