Kwenda ku nda-nda-nda yo zviri mukati

Zvapupu zva Jehovha

Kheta ndumi Cindau

Ndingaitenyi Kudari Ndecivangirijwa Kuita Zvopabonde?

Ndingaitenyi Kudari Ndecivangirijwa Kuita Zvopabonde?

Kangaije ungarangarira kudari: “Zvinoreva kuti ndinodikana kutendera kuita zvopabonde?” “Kunja ka zvese, ndini ndingazozvikwanisa kugara ndicikaiti zvopabonde kuveni mundhu wese ari kuzviita here?”

Gajanai urangarire!

Zvounodikana kuziva: Asipi mundhu wese anoita zvopabonde.

Asi zvokadi ngo zvokuti kangaije unoenda koovona kuti vanoita zvopabonde vakawanda paunoverenga shwiro jo kuezaniswa ko zvopabonde. Inga muezaniso, pa jijo yakaizwa ku E.U (Estadhos Unidhos) yakavonesa kuti pa vajiji 3 vocidoko vanopeja jijo yopamusoro ku nyika iyi, 2 vavo vanonga vaita zvopabonde. Asi kuezaniswa uku kunodavo kureva kuti wocidoko 1 pa 3 ava aaiti zvopabonde.

Vanoitaya zvopabonde vanova no mugariro wapi? Vapsakisisi vakaguma pakuziva kuti vocidoko vazinji vanoita zvopabonde zviciripi zvopamutemo vanowanana no mugariro jinotevera kana jinopinda iji.

Kuva mundhu acikabeseri. Vocidoko vazinji vakaita zvopabonde vanonanga kuti pasure pokuita zvopabonde vakacumba covazviitira.

Kuita zvopabonde zviciripi pamutemo zvakafanana no kutora pikica yakanyarisisa kakuishandisa inga tapete yokucika wecinghwina mumba

Kutama kujigonda. Pasure pokuita zvopabonde, umwe nga umwe wovaitaro zvopabonde anotanga kurangarira kuti, ‘wondaitari nae zvopabonde wakamboitazve naani?’

Kunyangajwa. Kujivona ina burutu. Vasikane vazinji vaizodakarira mundhu anovajivirira, haiwa anovashandisa. Kuveni varimbhwane vazinji vanovona musikane anonga atenda kuvata navo povanonga vacanomorari inga acikafaneri kuzogara naye.

Zvaunodikana kuziva nga izvi: Muviri wako unosisira maningi kupinda ciri cese, ngokudaro audikani kuureja-reja. Vonesa kuti uno simba ro kutama kuita zvopabonde zviciripi zvopamutemo ngo kuzwira mutemo ja Mwari. Mbhera zuva raunozocadha, ungaita hako zvopabonde. Zve unozodakajwa ngo kuita izvi, ucikathyi, ucikacumbi, no kutama kujiviririka kuri kwese hako kungakuviira kazinji pasure pokuita zvopabonde zviciripi zvopamutemo.—Mazwi Akangwara 7:22, 23; 1 VaKorinto 7:3.