Vandhu vazinji vanonanga kuti ciphambano ndi citatijo cinovonesa dangani mundhu i Mukristu kana haiwa. Pikija Zvapupu zva Jehovha i Makristu, izvona azvishandisi ciphambano pa kunamata. Ngenyi?

 Thangwe rimwe ngo ro kuti Bhaibheri rinonanga kuti Jesu aazivi kufira pa ciphambano, asi wakafira pa mutanda. Kusiyapo izvo, Bhaibheri rinonasa kujekesa kuti Makristu anodikana kutiza “kunamata zvithombi,” izvo zvinobatanijavo kutama kushandisa ciphambano pa kunamata.—1 Vakorinte 10:14; 1 Johani 5:21.

 Jesu wakati: “Mukaita kudaro, vese vanozoziva kuti imwimwi muri vajiji vangu: Kudari mukadisana ngo cenyu.” (Johani 13:34, 35) Ngo magama aya, Jesu wakajijisa kuti rudo hwo kujiramba ku vamweni, ndiwona waizovonesa kuti tiri Makristu ocokwadi, kusiyapo kushandisa ciphambano kana cithombe ciri cese haco.