Revhista “Murindiri” no “Mukai!”
Marevhista edu akacijikira mu Bhaibheri ari kuwanika mu ndumi jakawanda maningi, kubatanijavo ndumi jo kuvereketa ngo nyara. Murindiri unobhuya maningi ngo pamusoro po masoko akanaka o Umambo hwa Mwari no zviro zvinovangisa rutendo hwedu kuna Jesu Kristu. Mukai! unokhombija manera atingaita kuti tihwisane no zvineso zva nyamasi uno no kuvangisa kuthemba kwedu cigondiso co kuti Musiki wedu anozoviisadi nyika yakazara ngo runyararo no nyakangwaririka.
