Yeqa uye kokuphakathi

Yeqa uye kokumunyethweyo

 IMPILO YAMAKHRISTU

Uyabubona Yini Ubuntu BukaNkulunkulu Obungabonakaliyo?

Uyabubona Yini Ubuntu BukaNkulunkulu Obungabonakaliyo?

Uyayibona yini imisebenzi kaNkulunkulu emangalisayo nxa ukhangele iluba elihle, isibhakabhaka esigcwele izinkanyezi kumbe impophoma zamanzi? Zonke izinto ezidaliweyo zisifundisa ngobuntu bukaJehova obungabonakaliyo. (Rom 1:20) Nxa singazinika isikhathi sokubuka izinto ezidalwe nguJehova sizabona amandla akhe, uthando lwakhe, inhlakanipho yakhe, ukulunga kwakhe kanye lokuthi uyaphana.​—Hu 104:24.

Yiziphi izinto ezidalwe nguJehova ozibona nsuku zonke? Sonke siyenelisa ukubona inyoni lezihlahla kungelani lokuthi sihlala ngaphi. Ukubuka izinto ezidalwe nguJehova kusinceda sehlise ukukhathazeka, sicabange ngezinto eziqakathekileyo futhi kwenza sikholwe ukuthi uJehova uzahlala esinakekela. (Mat 6:25-32) Nxa ulabantwana, basize bafunde ngobuntu bukaNkulunkulu obumangalisayo ezintweni ezidaliweyo. Ukunakana ngezinto ezidaliweyo kuzasinceda ukuthi sisondele kuMdali.​—Hu 8:3, 4.

BUKELANI IVIDIYO ETHI IZINTO EZIDALIWEYO ZIDUMISA UNKULUNKULU​—UKUKHANYA LEMIBALA, BESELIPHENDULA IMIBUZO ELANDELAYO:

  • Amakhemikhali okuthiwa ngama-pigments asinceda njani ukuthi sibone imibala etshiyeneyo?

  • Kuyini okubangela ukuthi into ethile ikhanye ilemibala etshiyeneyo?

  • Kuyini okwenza sibone imibala etshiyeneyo nxa sikhangele isibhakabhaka?

  • Yiphi imibala emihle yezinto ezidaliweyo ojayele ukuyibona?

  • Kungani kumele sizinike isikhathi sokunakana ngezinto ezidaliweyo?

Ukukhanya lemibala kusifundisani ngobuntu bukaJehova?