U-Isaya 40:1-31
40 “Duduzani abantu bami, baduduzeni,” kutsho uNkulunkulu wenu.+
2 “Khulumani okuzaduduza iJerusalema,*Limemezele kuyo ukuthi ukucindezelwa kwayo sekuphelile,Lokuthi icala layo selihlawulelwe.+
UJehova useyiphe umvuzo wayo ogcweleyo* ngenxa yazo zonke izono zayo.”+
3 Ilizwi lalowo omemeza esenkangala lithi:
“Vulani* indlela kaJehova!+
Lungiselani uNkulunkulu wethu umgwaqo omkhulu oqondileyo,+ odabula enkangala.+
4 Zonke izigodi kaziphakanyiselwe phezulu,Zonke izintaba lamaqaqa akwehliswe.
Umhlabathi olamagodigodi kawendlaleke,Lendawo elamatshe kayibe ligceke.+
5 Inkazimulo kaJehova izabonakaliswa,+Bonke abantu bazayibona,+Ngoba umlomo kaJehova usukhulumile.”
6 Lalela! Kulomuntu othi: “Memeza!”
Omunye uyabuza uthi: “Ngimemeze ngisithini?”
“Bonke abantu babutshani* obuluhlaza.
Uthando lwabo* lonke lunjengokuqhakaza kweluba leganga.+
7 Utshani obuluhlaza buyoma,Leluba liyabuna,+Ngoba umoya kaJehova uyakuphephetha konke.+
Abantu babutshani obuluhlaza sibili.
8 Utshani obuluhlaza buyoma,Leluba liyabunaKodwa ilizwi likaNkulunkulu wethu lihlala kuze kube nini lanini.”+
9 Wena wesifazana oletha izindaba ezinhle eZiyoni,+Qansa uye phezu kwentaba ephakemeyo.
Wena wesifazana oletha izindaba ezinhle eJerusalema,Khweza ilizwi lakho umemeze ngamandla
Likhweze, ungesabi.
Bika emadolobheni akoJuda uthi: “Nangu uNkulunkulu wenu.”+
10 INkosi Enkulu uJehova izabuya ilamandla,Ingalo yayo izabusa.*+
Umvuzo ewunikayo usesandleni sayo,Lomholo ewuholisayo uphambi kwayo.+
11 Uzakwelusa* umhlambi wakhe njengomelusi,+
Aqoqe* imvana,Azithwale esifubeni sakhe.
Lezimvu ezimunyisayo uzazikhokhela kuhle.+
12 Ngubani ongathwala wonke amanzi olwandle ngesandla sakhe?+Ngubani oseke walinganisa amazulu ngobubanzi besandla* sakhe?
Ngubani oseke wafaka uthuli esikalini?+Ngubani oseke wafaka izintaba ezilinganisweni,Kumbe amaqaqa ezikalini?
13 Kambe ngubani ongalinganisa* umoya kaJehova,Ngubani ongamfundisa futhi amcebise?+
14 Ngubani ake wambuza efuna ukuzwisisa?
Ngubani omfundisa indlela yokwahlulela kuhle?
Ngubani ongamfundisa ukuze abe lolwazi?
Ngubani ongamtshengisa indlela yokuzwisisa?+
15 Izizwe zinjengethonsi lamanzi enkonxeni,Zibalwa njengothuli olungatsho lutho oluphezu kwezikali.+
Uphakamisa izihlenge angathi luthuli olucolekileyo.
16 ILebhanoni kayeneli ukugcina umlilo ubhebha,*Izinyamazana zeganga ezikuyo kazeneli umnikelo wokutshiswa.
17 Phambi kwakhe zonke izizwe zifanana lento engekhoyo,+Uzibona zingatsho lutho njalo zingasilutho.+
18 Kambe ngubani elingamqathanisa loNkulunkulu?+
Kuyini elingakumisa eceleni kwakhe lithi ufanana lakho?+
19 Ingcitshi ibumba isithombe,Umkhandi wensimbi asihuqe ngegolide,+Enze lamaketane esiliva.
20 Umuntu ukhetha isihlahla ukuthi sibe ngumnikelo wakhe,+Isihlahla esingasoze sibole.
Udinga ingcitshi yomsebenziUkuze ibaze isithombe esingasoze siwe.+
21 Kalikwazi yini?
Kalizwanga yini?
Kalikutshelwanga yini kusukela ekuqaliseni?
Kalikuzwisisanga yini kusukela kubekwa izisekelo zomhlaba?+
22 Ukhona lowo ohlala ngaphezu kwesigombolozi somhlaba,*+Abahlala kuwo banjengezintethe.
Welula amazulu njengelembu elilula,Awelule njengetende lokuhlala.+
23 Wehlisa iziphathamandla zisale zingasilutho,Enze amakhosi omhlaba abe* yinto engatsho lutho.
24 Bathi besanda kugxunyekwa,Besanda nje kuhlanyelwa,Isiqu sabo singakajulisi impande emhlabathini,Bayaphephethwa ngumoya, bome qha!Umoya uyabaphephula ubathwale njengamahlanga awomileyo.+
25 “Kambe ukhona yini elingamfanisa lami lithi ulingana lami?” kutsho oNgcwele.
26 “Phakamisani amehlo enu likhangele phezulu.
Ngubani odale izinto zonke lezi?+
Ngulowo okhokhela ibutho lazo, abale yinye ngayinye;Azibize zonke ngamabizo azo.+
Ngenxa yamandla akhe amakhulu, lamandla akhe amangalisayo,+Akula leyodwa engekhoyo.*
27 Awu Jakhobe kungani usitsho njalo, We Israyeli kungani usithi,‘Indlela yami ifihlakele phambi kukaJehova,UNkulunkulu kalandaba lokuthi ngiphathwa kubi’?+
28 Kalikwazi yini? Kalizwanga yini?
UJehova, uMdali wemikhawulo yomhlaba unguNkulunkulu kuze kube nini lanini.+
Kadinwa njalo kapheli amandla.+
Akulamuntu ongaqedisisa ukuzwisisa kwakhe.+
29 Odiniweyo uyamnika amandlaLabamdambiyana ubapha amandla amakhulu.+
30 Abafana bazadinwa baphele amandla,Lamajaha azakhubeka awe,
31 Kodwa labo abathemba uJehova bazaphinda babe lamandla.
Bazaphapha baqonge angathi balempiko njengezinkozi.+
Bazagijima kodwa bangadinwa,Bazahamba kodwa bangapheli amandla.”+
Amabala angaphansi
^ NgesiHebheru, “Khulumani lenhliziyo yeJerusalema.”
^ Kumbe, “useyiphe okuphindwe kabili.”
^ Kumbe, “Candani.”
^ Kumbe, “Uthando lwabo oluqotho.”
^ NgesiHebheru, “Yonke inyama ibutshani.”
^ Kumbe, “izabusela yona.”
^ Kumbe, “Uzanakekela.”
^ Kumbe, “Azibuthelele ngengalo yakhe.”
^ Lapha kutshiwo ububanzi besandla kusukela kucikilicane kusiyafika esithupheni nxa isandla sivuliwe. Khangela iSengezo ku-B14.
^ Ezinye inguqulo zithi, “osewuzwisisile.”
^ Kumbe, “kayilazo inkuni ezeneleyo.”
^ Kumbe, “kwendingilizi; komhlaba onjengebhora.”
^ Kumbe, “ababusi bomhlaba babe.”
^ Kumbe, “Zonke zisezindaweni zazo.”
