IZaga 3:1-35
3 Ndodana yami, ungakukhohlwa engikufundisa khona,*Gcina imithetho yami enhliziyweni yakho,
2 Ngoba izinto lezi zizakwengezelela insuku ezinengi kuweLeminyaka eminengi kanye lokuthula.+
3 Ungavumi ukuthi uthando oluqotho lokuthembeka* kukuphunyuke.+
Kubophele entanyeni yakho,Ukubhale enhliziyweni yakho.+
4 Ungenza njalo uzathola umusa, kuthiwe ukhaliphileEmehlweni kaNkulunkulu lasebantwini.+
5 Themba uJehova+ ngenhliziyo yakho yonke,Ungathembi okwakho* ukuzwisisa.+
6 Mdinge+ kuzo zonke izindlela zakho,Yena uzaqondisa izindlela zakho.+
7 Ungaziboni angani uhlakaniphile,+Yesaba uJehova, utshiye okubi.
8 Ukwenza njalo kuzawelapha umzimba wakho,Kuqinise* lamathambo akho.
9 Dumisa uJehova ngokuhle kakhulu+ olakho,Ngezithelo zokuqala zesivuno sakho+ sonke.*
10 Ungenza njalo iziphala zakho zizagcwala phamu!+Lezikhamelo zakho zewayini* zizaphuphuma iwayini elitsha.
11 Ndodana yami ungayali nxa uJehova ekulaya,+Ungazondi* nxa ekukhuza,+
12 Ngoba uJehova uyabakhuza+ labo abathandayo,Njengobaba okhuza indodana yakhe ayithandayo.+
13 Uyathokoza umuntu othola ukuhlakanipha,+Lomuntu ozuza ukuqedisisa;
14 Ukukuthola kungcono kulokuthola isiliva,Lenzuzo yakhona ingcono kulokuba legolide.+
15 Kuligugu ukwedlula amakhorali;*Akulalutho olufisayo olungalinganiswa lakho.
16 Ukuhlakanipha kuthwele impilo ende esandleni sokudla,Kuthwele inotho lenkazimulo esandleni senxele.
17 Izindlela zakho* ziyathokozisa,Zonke izindlela zakho zilokuthula.+
18 Kuyisihlahla sokuphila kulabo ababambelela kukho,Labaqhubeka bekugagadlele kuzathiwa bayathokoza.+
19 UJehova wabeka izisekelo zomhlaba ngokuhlakanipha,+Ngokuqedisisa+ wamisa amazulu aqina.
20 Ngolwazi lwakhe amanzi atshonayo ehlukaniswa,Lesibhakabhaka esithwele amayezi sakhithiza amazolo.+
21 Ndodana yami, ungasusi amehlo akho ezintweni lezi.*
Gcina ukuhlakanipha okuncedayo, uhlale usebenzisa kuhle ingqondo;
22 Izinto lezi zizakunika ukuphila,Zibe ngumceciso entanyeni yakho;
23 Lapho-ke uzahamba uvikelekile endleleni yakho,Unyawo lwakho alusoze lukhubeke.+
24 Nxa ulala awusoze wesabe lutho;+Uzalala ubuthongo behle.+
25 Awusoze wesabe ingozi engakujuma,+Kumbe isiphepho esizahlasela abenza okubi.+
26 Ngoba uJehova uzakuba lithemba lakho;+Uzavikela unyawo lwakho ukuze lungabanjwa ngumjibila.+
27 Ungayekeli ukubenzela okuhle labo okumele ubancede,+Nxa kusemandleni akho ukuthi ubancede.*+
28 Ungabokuthi kumakhelwane wakho, “Hamba ubuye ngesinye isikhathi. Ngizakupha kusasa,”
Wena ulakho ongamnika khona ngalesosikhathi.
29 Ungabumbeli umakhelwane wakho amacebo amabi,+Yena ehlala lawe ekuthemba.
30 Ungaxabani lomuntu kungelasizatho,+Kungelalutho olubi akwenze lona.+
31 Ungamhawukeli umuntu othanda ukulwa,*+Ungalandeli* loba yiphi indlela yakhe,
32 UJehova uyamzonda umuntu oliqili,+Kodwa ungumngane omkhulu wabathembekileyo.+
33 Isiqalekiso esivela kuJehova sisendlini yomuntu owenza okubi,+Kodwa umuzi womuntu olungileyo uyawubusisa.+
34 Uyabahoza abathanda ukweyisa,+Kodwa ulomusa kwabamnene.+
35 Abahlakaniphileyo bazathola udumo,Kodwa izithutha ziqakathekisa izinto ezilihlazo.+
Amabala angaphansi
^ Kumbe, “ungawukhohlwa umthetho wami.”
^ Kumbe, “leqiniso.”
^ NgesiHebheru, “Ungeyami kokwakho.”
^ Kumbe, “Kuvuselele.”
^ Kumbe, “Ngakho konke okuhle okutholayo.”
^ Lapha kutshiwo indawo okuvoxelwa kuzo amagilebisi.
^ NgesiHebheru, “Ungenyanyi.”
^ Khangela iNgcazelo Yamabala.
^ Lapha kutshiwo ukuhlakanipha.
^ Lapha kungabe kutshiwo izimpawu zobuntu bukaNkulunkulu eziqanjwe emavesini adlulileyo.
^ Kumbe, “kusemandleni esandla sakho.”
^ Kumbe, “udlakela.”
^ NgesiHebheru, “Ungakhethi.”
