IZaga 11:1-31
11 UJehova uyazenyanya izikali zobuqili,Kodwa uthokoziswa yisilinganiso esiqondileyo.+
2 Nxa umuntu engaba liqhalaqhala okulandelayo yikuyangeka+ kuphela,Kodwa ukuhlakanipha ngokwabazithobayo.+
3 Abathembekileyo baqondiswa yibuqotho babo,+Kodwa amaqili azatshabalaliswa yibumenemene babo.+
4 Inotho ayisoze incede ngalutho ngosuku lolaka,*+Kodwa ukulunga yikho okuzagcina umuntu ephila.+
5 Ukulunga komuntu omsulwa kwenza izindlela zakhe ziqonde,Kodwa owenza okubi uzakuwa ngenxa yokuxhwala kwakhe.+
6 Ukulunga kwabathembekileyo kuzabakhulula,+Kodwa amaqili azathiywa yizifiso zawo.+
7 Nxa owenza okubi angafa, ithemba lakhe liyatshabalala;Lalokho abekhangelele ukukuzuza ngamandla akhe kuyatshabalala.+
8 Umuntu olungileyo uyakhululwa ekuhluphekeni,Owenza okubi abesengena endaweni yakhe.+
9 Umhlamuki* udiliza umakhelwane wakhe ngomlomo wakhe,Kodwa ukuba lolwazi kuyabakhulula abalungileyo.+
10 Izenzo ezinhle zabantu abalungileyo zenza idolobho lithokoze,Nxa abenza okubi bangatshabalala kuba lokuthokoza okukhulu.+
11 Idolobho liba lodumo+ ngenxa yesibusiso sabathembekileyo,Kodwa umlomo wabenza okubi uyalidiliza.+
12 Loba ngubani ongelangqondo weyisa umakhelwane wakhe,Kodwa umuntu oqedisisayo uqhubeka evale owakhe.+
13 Onyundiselayo uhamba edalula indaba eziyimfihlo,+Kodwa umuntu othembekileyo uyayigcina imfihlo.
14 Nxa kungelamacebo alobungcitshi* abantu bayawa,Kodwa kuba lokuphumelela* nxa kulabacebisi* abanengi.+
15 Loba ngubani othembisa ukunika umuntu angamaziyo isibambiso ukuze athathe isikwelede uzayifunda ivaliwe,+Kodwa lowo ongavumiyo* ukuxhawula umuntu enze laye isivumelwano uzavikeleka.
16 Owesifazana olomusa uthola udumo,+Kodwa amadoda alesihluku athumba inotho.
17 Umuntu olomusa* uyazisiza,*+Kodwa olomoya omubi uzigwaza ngowakhe.*+
18 Owenza okubi uthola imbadalo ekhohlisayo,+Kodwa ohlanyela ukulunga uthola umvuzo weqiniso.+
19 Obambelela kokulungileyo uzathola ukuphila,+Kodwa oxotshana lokubi ulindelwe yikufa.
20 UJehova uyabenyanya+ abantu abalenhliziyo ezixhwalileyo,Kodwa uthokoziswa+ ngabalendlela ezimsulwa.
21 Nanku okumele ukwazi: Owenza okubi uzajeziswa loba sekutheni,+Kodwa abantwana babalungileyo bazakhululwa.
22 Owesifazana omuhle kodwa engelangqondoUnjengendandatho yegolide esekhaleni lengulube.
23 Isifiso sabalungileyo siletha okuhle,+Kodwa ithemba labenza okubi liletha ulaka.
24 Umuntu ophanayo ucina eselokunengi,+Kodwa oncitsha abanye* lokho okumele abaphe khona ucina esengumyanga.+
25 Umuntu ophanayo uzaphumelela,+Lalowo ovuselela abanye uzavuselelwa.+
26 Abantu bazamqalekisa umuntu oncitsha abanye amabele,*Kodwa bazambusisa lowo owathengisayo.
27 Lowo okhuthalele ukwenza okuhle uzakwenzelwa umusa,+Kodwa lowo odinga okubi uzakwehlelwa yilokho akudingayo.+
28 Othemba inotho yakhe uzakuwa,+Kodwa abalungileyo bazahluma njengamahlamvu esihlahla.+
29 Loba ngubani olethela abendlu yakhe uhlupho,* ilifa lakhe lizakuba ngumoya nje,+Njalo isiphukuphuku sizakuba yisisebenzi salowo ohlakaniphileyo.*
30 Isithelo solungileyo siyisihlahla sokuphila,+Njalo lowo ozuza imiphefumulo* uhlakaniphile.+
31 Nxa kuyikuthi olungileyo emhlabeni uthola okumfaneleyo,Pho kuzakuba njani emuntwini owenza okubi loyisoni?+
Amabala angaphansi
^ Kumbe, “lolaka lukaNkulunkulu.”
^ Kumbe, “Ongamesabiyo uNkulunkulu.”
^ Kumbe, “avela emuntwini oyingcitshi.”
^ Kumbe, “kuba lokusindiswa.”
^ Kumbe, “kulabeluleki.”
^ NgesiHebheru, “ozonda.”
^ Kumbe, “uzilethela ihlazo.”
^ Kumbe, “uzenzela okuhle.”
^ Kumbe, “olothando oluqotho.”
^ Kumbe, “ogodla.”
^ Kumbe, “ogodla amabele.”
^ Kumbe, “ihlazo.”
^ Kumbe, “somuntu olenhliziyo ehlakaniphileyo.”
^ Khangela iNgcazelo Yamabala.
