IHubo 97:1-12
97 UJehova useyiNkosi!+
Umhlaba kawujabule,+Lezihlenge zonke zithokoze.+
2 Ugonjolozelwe ngamayezi lomnyama omkhulu,+Ukulunga lokwahlulela kuhle kuyisisekelo sesihlalo sakhe sobukhosi.+
3 Umlilo uhamba phambi kwakhe,+Utshise izitha zakhe macele wonke.+
4 Umbane wakhe ukhanyisa umhlaba.
Nxa abantu bekubona lokhu bayaqhaqhazela.+
5 Intaba zincibilika njengengcino phambi kukaJehova,+Phambi kweNkosi yomhlaba wonke.
6 Amazulu amemezela ukulunga kwakhe,Zonke izizwe ziyayibona inkazimulo yakhe.+
7 Kabayangeke bonke abakhonza izithombe ezibaziweyo,+Labo abazigqaja ngabonkulunkulu babo abangancediyo.+
Mkhothameleni* lonke lina bonkulunkulu.+
8 IZiyoni iyezwa ithokoze,+Amadolobho* akoJuda ayajabulaNgenxa yezahlulelo zakho Jehova.+
9 Wena Jehova ungoPhezukonke emhlabeni wonke,Uphakeme kakhulu ukwedlula bonke onkulunkulu.+
10 Lina elimthandayo uJehova zondani okubi.+
Uyabalinda abaqotho bakhe,+Abakhulule ezandleni zababi.*+
11 Abalungileyo bayakhanyiselwa,+Labaqotho enhliziyweni bayathokoza.
12 Thokozani ngenxa kaJehova lina elilungileyo,Libonge ibizo lakhe elingcwele.
