IHubo 91:1-16
91 Loba ngubani ohlala endaweni efihlakeleyo yoPhezukonke,+Uzacatsha emthunzini kaSomandla.+
2 Ngizakuthi kuJehova: “Uyisiphephelo sami lenqaba yami,+UNkulunkulu wami engithembele kuye.”+
3 UNkulunkulu uzakukhulula emjibileni womthiyi wenyoni,Akuvikele esifweni esibulalayo.
4 Uzakusibekela* ngensiba zakhe,Uphephele ngaphansi kwamaphiko akhe.+
Ukuthembeka kwakhe+ kuzakuba njengehawu elikhulu+ lomduli oqinileyo.
5 Kawusoze wesabe ingozi ezingakwehlela ebusuku,+Loba umtshoko ontweza emini.+
6 Kawusoze wesabe isifo esimemetheka emnyameni,Kumbe okubulalayo okungakuthutshela emini libalele.
7 Lanxa kungaze kuwe abayinkulungwane eceleni kwakho,Labazinkulungwane ezilitshumi esandleni sakho sokudla,Wena akulalutho olubi oluzakwehlela.+
8 Uzakubona nje ngamehlo akho,Ubukele ababi bejeziswa,
9 Ngoba uthe: “UJehova uyisiphephelo sami.”
Wenze oPhezukonke waba yindawo yakho yokuhlala.*+
10 Akulamonakalo ozakwehlela,+Akulanto embi ezasondela etendeni lakho.
11 UNkulunkulu uzanika izingilosi zakhe+ umlayo mayelana lawe,Ukuthi zikulinde loba ngaphi lapho oya khona.+
12 Zizakuthwala ngezandla zazo+Ukuze unyawo lwakho lungatshayeki elitsheni.+
13 Uzanyathela isilwane lephimpi,Ugxobagxobe isilwane esilamandla lenkalakatha yenyoka.+
14 UNkulunkulu wathi: “Ngizamkhulula ngenxa yokuthi uyangithanda,*+Ngimvikele ngoba uyalazi ibizo lami.+
15 Uzangibiza, mina ngimphendule.+
Ngizakuba laye nxa ephakathi kohlupho.+
Ngizamkhulula ngimnike inkazimulo.
16 Ngizamnika impilo ende,+Ngimtshengise insindiso yami.”+
