IHubo 81:1-16
Kumqondisi wokuhlabela; ngeGithithi.* Ihubo lika-Asafi.+
81 Memezani ngentokozo phambi kukaNkulunkulu osipha amandla,+Memezani ngentokozo lidumise uNkulunkulu kaJakhobe.
2 Qalisani ukutshaya iziginci, thathani amathamborini.
Tshayani iziginci lamahabhu* akhala kamnandi.
3 Tshayani uphondo ekuthwaseni kwenyanga,+Lalapho inyanga igcwele, ngelanga ledili lethu,*+
4 Ngoba kungumlayo owaphiwa abako-Israyeli,Yisimiso esabekwa nguNkulunkulu kaJakhobe.+
5 Wakubeka kwaba yisikhumbuzo kuJosefa+Ngesikhathi ephuma esiyakulwa lelizwe leGibhithe.+
Ngezwa ilizwi engangingalazi* lisithi:
6 “Ngawethula umthwalo owawusemahlombe akhe,+Izandla zakhe zayekela ukuthwala ibhasikiti.
7 Wangibiza lapho usebunzimeni ngakukhulula,+Ngakuphendula ngiphakathi kwamayezi adumayo.+
Ngakuhlola emanzini aseMeribha.*+ (Selah)
8 Lalelani bantu bami, ngizakhuluma ngani ngilibeka icala.
Aluba belingangilalela bantu bako-Israyeli,+
9 Bekungasoze kube lonkulunkulu ongaziwayo phakathi kwenu,Njalo belingasoze likhothamele unkulunkulu wezizweni.+
10 Mina Jehova nginguNkulunkulu wenu,Owalikhipha elizweni leGibhithe.+
Khamisani imilomo, mina ngizayigcwalisa ngokudla.+
11 Abantu bami abalilalelanga ilizwi lami,Abako-Israyeli abazange bazehlise kimi.+
12 Yikho ngabayekela balandela inhliziyo zabo ezilobuqholo,Benza lokho ababecabanga ukuthi kuqondile.+
13 Aluba nje abantu bami bebengangilalela,+Aluba abako-Israyeli bebengahamba ezindleleni zami,+
14 Masinyane nje bengizazinqoba izitha zabo,Bengizakulwa lazo.+
15 Labo abazonda uJehova bazaqhaqhazela phambi kwakhe,Ukujeziswa kwabo kuzahlala kuze kube phakade.
16 Kodwa lina uzalinika ingqoloyi enhle kakhulu,+Aliphe uluju lwemadwaleni.”+
