IHubo 80:1-19
Kumqondisi wokuhlabela; lihamba lomculo othi “Amaluba.” Ihubo lika-Asafi.+ Elokukhumbuza.
80 Awu Melusi wako-Israyeli lalela,Wena okhokhela uJosefa angathi ukhokhela umhlambi wezimvu.+
Wena ohlezi esihlalweni sobukhosi phezu kwamakherubhi,+Yenza inkazimulo yakho ikhanye.
2 Tshengisa amandla akho+Phambi kuka-Efrayimi loBhenjamini loManase.
Buya uzosisindisa.+
3 Awu Nkulunkulu sivuselele,+Woba lomusa kithi* ukuze sisinde.+
4 Jehova Nkulunkulu wamabutho, kuzaze kube nini uzondele abantu bakho,Njalo ungafuni ukulalela umthandazo wabo?+
5 Wenze inyembezi zaba yikudla kwabo,Wabanathisa inyembezi ezinengi.
6 Wenza omakhelwane bethu baxabane ngenxa yethu,Izitha zethu ziqhubeka zisichothoza santando.+
7 Awu Nkulunkulu wamabutho sivuselele,Woba lomusa kithi* ukuze sisinde.+
8 Wena wenza isihlahla samagilebisi+ sasuka eGibhithe.
Waxotsha izizwe wasusihlanyela.+
9 Wacenta indawo wasihlanyela,Saba lempande sanaba sagcwala ilizwe lonke.+
10 Izintaba zembeswa ngumthunzi waso,Lemisedari kaNkulunkulu yavalwa zingatsha zaso.
11 Ingatsha zaso zakhula zaze zayafika elwandle,Lamahlumela aso anaba aze ayafika emfuleni.*+
12 Kungani udilize imiduli yensimu yamagilebisi?+
Phela bonke abantu sebedlula bezikhela izithelo.+
13 Ingulungundu* zingenile zatshaya zabhuqa,Izinyamazana zeganga sezisidla khona.+
14 Awu Nkulunkulu wamabutho sicela uphenduke kithi.
Khangela usezulwini ubone!
Sinakekele isihlahla lesi samagilebisi,+
15 Ugatsha owaluhlanyela ngesandla sakho sokudla.+
Lunakekele ugatsha owaziqinisela lona.*+
16 Isihlahla samagilebisi siqunyiwe satshiswa ngomlilo.+
Ubakhuzile batshabalala.
17 Kwangathi isandla sakho singayisekela indoda esesandleni sakho sokudla,Indodana yakho oziqinisele yona.+
18 Lapho-ke asisoze sikutshiye.
Sigcine siphila ukuze sibize ibizo lakho.
19 Sivuselele awu Jehova Nkulunkulu wamabutho,Woba lomusa kithi* ukuze sisinde.+
Amabala angaphansi
^ NgesiHebheru, “Yenza ubuso bakho bukhanye phezu kwethu.”
^ NgesiHebheru, “Yenza ubuso bakho bukhanye phezu kwethu.”
^ Lapha kutshiwo umfula uYufrathe.
^ Kumbe, “Ingulube zeganga.”
^ NgesiHebheru, “Nakekela indodana owaziqinisela yona.”
^ NgesiHebheru, “Yenza ubuso bakho bukhanye phezu kwethu.”
