IHubo 77:1-20
Kumqondisi wokuhlabela; ngetshuni yeJeduthuni.* Ihubo lika-Asafi.+
77 Ngizaphakamisa ilizwi lami ngikhale kuNkulunkulu,Ngizakhala kuNkulunkulu futhi yena uzangizwa.+
2 Nxa ngikhathazekile ngiyamdinga uJehova.+
Ebusuku ngiqhubeka ngiphakamisele kuye izandla zami.
Kuyala ukuthi ngiduduzeke.
3 Nxa ngikhumbula uNkulunkulu ngiyabubula.+
Ngikhathazekile futhi angiselamandla.+ (Selah)
4 Wena awungivumeli ukuthi ngilale.
Ngikhathazeke kakhulu, ngehluleka lokukhuluma.
5 Ngikhumbula insuku zakudala,+Iminyaka yakudaladala.
6 Ebusuku ngikhumbula ingoma yami,+Ngiyacabangisisa engqondweni yami,Ngiyadingisisa enhliziyweni yami.+
7 Kambe uJehova uzasilahla kokuphela?+
Kasoze aphinde abe lomusa kithi yini?+
8 Uthando lwakhe oluqotho selunyamalele kokuphela yini?
Akulasizukulwane esizabona ukugcwaliseka kwesithembiso sakhe yini?
9 Kambe uNkulunkulu usekhohlwe ukuba lomusa?+
Intukuthelo yakhe isimenze wangabi lesihawu na? (Selah)
10 Ngiqhubeka ngisithi: “Nanku okungikhathazayo:+
OPhezukonke usetshintshile, kasasincedisi.”
11 Ngizayikhumbula imisebenzi yakho Jah.*Ngizazikhumbula izenzo zakho zakudala ezimangalisayo.
12 Ngizacabangisisa ngayo yonke imisebenzi yakho,Nginakane ngezenzo zakho.+
13 Awu Nkulunkulu izindlela zakho zingcwele.
Ngubani unkulunkulu omkhulu njengawe?+
14 Nguwe uNkulunkulu weqiniso, owenza izinto ezimangalisayo.+
Utshengise izizwe amandla akho.+
15 Ngamandla akho ukhulule* abantu bakho,+Amadodana kaJakhobe lakaJosefa. (Selah)
16 Amanzi akubona awu Nkulunkulu,Amanzi akubona ethuka.+
Amanzi atshonayo aqhaqhazela.
17 Amayezi athulula izulu.
Amayezi amnyama aduma,Imitshoko yakho yaphazima isiya le lale.+
18 Umdumo wakho+ wawunjengomsindo wamaviri enqola zempi,Umbane waphazima wakhanyisa emhlabeni,+Umhlaba wazamazama wanyikinyeka.+
19 Indlela yakho yayidabula elwandle,+Isedlula emanzini amanengi,Unyawo lwakho babengeke balulonde.
20 Abantu bakho wabakhokhela njengomhlambi,+Bekhangelwe nguMosi lo-Aroni.+
Amabala angaphansi
^ Khangela iNgcazelo Yamabala.
^ Lesi yisifitshaniso sebizo elithi Jehova ngesiHebheru.
^ NgesiHebheru, “uhlenge.”
