IHubo 74:1-23
Imaskili.* Ihubo lika-Asafi.+
74 Awu Nkulunkulu, kungani usilahle kokuphela?+
Kungani ulaka lwakho luvutha phezu kwezimvu zakho ezisemadlelweni akho?+
2 Khumbula abantu bakho owabakhetha kudala,+Abantu owabahlengayo baba lilifa lakho.+
Khumbula intaba iZiyoni owawuhlala kuyo.+
3 Yana emanxiweni azahlala isikhathi eside engakhiwanga.+
Isitha sitshabalalise yonke into endaweni engcwele.+
4 Izitha zakho zabhonga endaweni yakho yokukhonzela.+
Zafaka amabhakane azo khonapho, aba luphawu.
5 Zenza njengamadoda agamula igusu eliminyeneyo.
6 Zephula konke okwakucecise+ emidulini zisebenzisa insimbi lamahloka.
7 Zatshisa indawo yakho engcwele,+Zangcolisa ithabanikeli elibizwa ngebizo lakho zalidiliza.
8 Zona labantwabazo zathi enhliziyweni:
“Zonke izindawo zokukhonzela uNkulunkulu eziselizweni kumele zitshiswe.”
9 Akuselazibonakaliso esizibonayo,Akuselabaphrofethi.
Kakho phakathi kwethu okwaziyo ukuthi lokhu kuzathatha isikhathi esinganani.
10 Awu Nkulunkulu, kuzaze kube nini isitha silokhu sikuchothoza?+
Isitha sizalidelela kuze kube phakade yini ibizo lakho?+
11 Kungani ungeluli isandla sakho sokudla?+
Sisuse esifubeni sakho ubabhubhise.
12 Kodwa uNkulunkulu uyiNkosi yami kusukela kudala,Usindisa abantu bakhe emhlabeni.+
13 Wadunga ulwandle ngamandla akho,+Wachoboza amakhanda ezilo zolwandle.
14 Wacobodisa ikhanda* likaLeviyathani,*Wasulipha abantu ukuthi balidle, labo abahlala ezindaweni eziyinkangala.
15 Wavula imithombo lezifula,+Womisa imifula eyayihlala igeleza.+
16 Imini ngeyakho, lobusuku ngobakho.
Wenza ukukhanya lelanga.+
17 Nguwe owafaka yonke imingcele yomhlaba,+Wenza kwaba lehlobo lobusika.+
18 Awu Jehova, khumbula ukuthi isitha besikuchothoza njani,Lokuthi abantu abangelangqondo balidelele kangakanani ibizo lakho.+
19 Ungayekeli ijuba lakho libanjwa zinyamazana zeganga.
Ungabakhohlwa kokuphela abantu bakho abahluphekayo.
20 Khumbula isivumelwano owasenza lathi,Ngoba ezindaweni zomhlaba ezimnyama sekugcwele udlakela.
21 Lowo ocindezelwayo kangadani,+Kwangathi abantukazana labayanga bangadumisa ibizo lakho.+
22 Sukuma awu Nkulunkulu, umele udaba lwakho.
Khumbula ukuthi abangelangqondo bakuchothoza njani ilanga lonke.+
23 Ungakhohlwa ukuthi izitha zakho zithini.
Umsindo wokuxokozela kwalabo abakudelelayo uqhubeka uphakama.
Amabala angaphansi
^ Khangela iNgcazelo Yamabala.
^ NgesiHebheru, “amakhanda.”
^ Khangela iNgcazelo Yamabala.
