IHubo 66:1-20
Kumqondisi wokuhlabela. Ingoma. Ihubo.
66 Umhlaba wonke kawumemeze udumise uNkulunkulu.+
2 Hlabelani lidumise ibizo lakhe elikhazimulayo.
Mdumiseni futhi limkhazimulise,+
3 Lithi kuNkulunkulu: “Iyamangalisa imisebenzi yakho!+
Izitha zakho zizaqhaqhazela phambi kwakho,+Ngenxa yamandla akho amakhulu.
4 Bonke abantu emhlabeni bazakukhothamela,+Bazahlabela bekudumisa.
Bazahlabela bedumisa ibizo lakho.”+ (Selah)
5 Buyani lizobona imisebenzi kaNkulunkulu,Akwenzele abantu kuyamangalisa.+
6 Watshintsha ulwandle lwaba ngumhlabathi owomileyo,+Bachapha umfula behamba ngenyawo.+
Silapho sathokoza ngenxa yakhe.+
7 Uzabusa kuze kube phakade+ ngamandla akhe.
Amehlo akhe ahlala ekhangele izizwe.+
Abalenkani akumelanga baziphakamise.+ (Selah)
8 Dumisani uNkulunkulu wethu lina zizwe,+Mdumiseni kuzwakale.
9 Usigcina siphila,+Kavumi ukuthi sikhubeke.*+
10 Usihlolile awu Nkulunkulu,+Wasihlambulula njengomuntu ocenga isiliva.
11 Usibambe ngenethi yokuzingela,Wasithwalisa umthwalo osindayo.
12 Uvumele abantu ukuthi basinyathezele phansi.
Sadlula phakathi komlilo lamanzi,Wasusiletha endaweni yokuphumula.
13 Ngizabuya endlini yakho ngileminikelo yokutshiswa egcweleyo,+Ngizazigcwalisa izifungo zami kuwe,+
14 Engazenza ngomlomo wami,+Lengazikhuluma ngesikhathi ngikhathazekile.
15 Ngizakwenzela iminikelo yokutshiswa ngezifuyo ezinonileyo,Ngikwenzele lemihlatshelo ngezinqama.
Ngizanikela ngezinkunzi langezimpongo. (Selah)
16 Buyani lizokuzwa lonke lina elesaba uNkulunkulu,Ngizalitshela lokho angenzele khona.+
17 Ngambiza ngomlomo wami,Ngamkhazimulisa ngolimi lwami.
18 Aluba kwakulento embi engangiyifukamele enhliziyweni yami,UJehova wayengeke angizwe.+
19 Kodwa uNkulunkulu wangizwa,+Wawulalela umthandazo wami.+
20 Kadunyiswe uNkulunkulu ongazange ayekele ukulalela umthandazo wami,Loba ukuba lothando oluqotho kimi.
Amabala angaphansi
^ Kumbe, “sidiyazele.”
