IHubo 5:1-12
Kumqondisi weNehilothi.* Ihubo likaDavida.
5 Lalela amazwi ami, awu Jehova,+Uzwe nxa ngikhala kuwe.
2 Lalela nxa ngikhalela uncedo,Ngoba ngithandaza kuwe Nkosi yami loNkulunkulu wami.
3 Awu Jehova, uzalizwa ilizwi lami ekuseni,+Ekuseni ngizakutshela okungikhathazayo+ besengilinda ngilethemba.
4 Wena unguNkulunkulu ongakuthandiyo okubi,+Akulamuntu owenza okubi ongahlala lawe.+
5 Kakho ozigqajayo ongama phambi kwakho.
Uyabazonda bonke abenza okubi.+
6 Uzababhubhisa abakhuluma amanga.+
UJehova uyabenyanya abalodlakela labangamaqili.+
7 Kodwa mina ngizangena endlini yakho+ ngoba uthando lwakho oluqotho lukhulu.+
Ngizakhothama ngikhangele ethempelini lakho elingcwele* ukuze ngitshengise ukuthi ngiyakwesaba.+
8 Awu Jehova, ngikhokhela ezindleleni zakho ezilungileyo, ungivikele ezitheni zami.
Ngisiza ukuthi ngihambe endleleni yakho ngingakhubeki.+
9 Konke abakutshoyo ngeke kuthenjwe.
Inhliziyo zabo zigcwele amacebo amabi,Imiphimbo yabo ilingcwaba elivulekileyo.
Bayaqila ngolimi lwabo.+
10 Kodwa uNkulunkulu uzakuthi balecala,Amacebo abo yiwo azabawisa.+
Baxotshe ngenxa yezono zabo ezinengi,Ngoba bakuhlamukele.
11 Kodwa bonke abaphephela kuwe bazathokoza,+Bazahlala behlabela bejabula,Wena uzabavikela.
Abathanda ibizo lakho bazathokoza ngenxa yakho.
12 Loba ngubani olungileyo uzambusisa, awu Jehova,Uzamamukela kube angathi umvikele ngehawu elikhulu.+
